Ётафтовсь брифинг

21 сентябрьста ётафтовсь Мордовия Республикань Правительствать Председателенц заместителенц Александр Герасинонь и МР-нь военнай комиссарть Игорь Тихомировонь участияснон мархта брифинг, кона лемтьфоль частичнай военнай мобилизацияти.

21 сентябрьста ётафтовсь Мордовия Республикань Правительствать Председателенц заместителенц Александр Герасинонь и МР-нь военнай комиссарть Игорь Тихомировонь участияснон мархта брифинг, кона лемтьфоль частичнай военнай мобилизацияти.
«Российскяй Федерациянь Президентть 2022 кизонь 21 сентябрень 647№ Указонц коряс, 2022 кизонь 21 сентябрьста 9 частста сявомок Мордовия Республикать территорияса азф частичнай мобилизациясь,—мярьгсь Игорь Тихомиров.—Мярьгондян запасса сембе офицерхненди, прапорщикненди, мичматтненди, сержанттненди, старшинатненди, солдаттненди и матросненди, конат сембе пингть эряйхть Мордовия Республикать территорияса, конатнень улихть мобилизационнай предписаниясна или получасть Мордовия Республикань муниципальнай образованиянь военнай комиссариаттнень ширде повесткат, самс эсь пингстонза и пункттненди, конат азфт эрть повесткаса. А кда апак кантт повестка, самс эсь пингстонза и пункттненди, конат азфт мобилизационнай предписаниятнень эса.
Запасса ащи граждаттненди, конат аф лама пингс эряйхть Мордовия Республикать территорияса, пингонь апак тарксек эряви тумс сембе пингонь эряма вастозост и молемс пункттненди, конат азфт мобилизационнай предписаниятнень эса, а кда аш кода тянь тиемс, эста молема воинскяй учётса ащема вастть коряс муниципальнай образованиянь военнай комиссариаттненди.
Запасса офицерхненди, прапорщикненди, мичматтненди, сержанттненди, старшинатненди, солдаттненди и матросненди, конатнень аш мобилизационнай предписаниясна и ашесть получа Мордовия Республикань муниципальнай образованиянь военнай комиссариатонь повесткат, эряви кизефтемс воинскяй учётс арамань военнай комиссариатса эряма вастста срхкамать колга.
Мобилизацияс тертьф запасса офицерхненди, прапорщикненди, мичматтненди, сержанттненди, старшинатненди, солдаттненди и матросненди эряви сявомс мархтост документт и паршихть, конат азфт повесткаса». Запасса ащи граждаттненди, конат лама пингонь командировкасот, эряви арамс воинскяй учётс ся вастса, коса синь командировкасот.
Азондови и ся, што вузса тонафни студенттнень, конат призывс коре служасть армияса, аш правасна мобилизацияс коре призывть эзда отсрочканди.
Мордовия Республикань военнай комиссарть Приказса стане жа азф, што организациянь руководительхненди, аф ваномок организационно-правовой формань и собственностень формать лангс, эряви нолдамс призывс серьгятьф граждаттнень работастост и службаснон эзда, пандомс теест сембе эрявикс расчёттнень и обеспечендамс синь пачкодемаснон азф пингста и пункттненди, конат азфт персональнай повесткатнень эса. Стане жа организациянь руководительхненди эряви улемс анококс пачфтемс автомобильнай, дорожно-строительнай, подъёмно-транспортнай и лия техникать азф пингста и пункттненди военнай комиссариатть нарядонзон мяльс сявозь.
Граждаттне, конат ашесть са азф пингста и пункттненди повесткас коре, и организациянь руководительхне, конат ашезь пяшкоде Приказса азф пункттнень, кармайхть кандома ответственность Российскяй Федерациянь законодательствать мяльс сявозь.
МР-нь военнай комиссарсь Игорь Тихомиров мярьгсь, што мобилизацияс коре военнай службас призывть эзда отсрочка макссеви ся граждаттненди,
конатнень улихть броньцна стама порядкаса, кона азф Российскяй Федерациянь Правительствать мархта;
конат лувондовихть аф кондястикс военнай службати шумбрашис коре—6 ковонди молемс;
конат ваныхть сембе пингть аляснон, тядяснон, рьваснон, мирдьснон, родной брадснон, родной акаснон-сазорснон, бабаснон-щаваснон, атяснон-щятяснон или усыновительснон мельге, конатненди медико-социальнай экспертизань федеральнай учреждениянь заключениять мяльс сявомок, эрявксни шумбрашис коре сембе пингть мельгаст якама;
конат ащихть аф совершеннолетняй родной брадонди или аф совершеннолетняй родной сазоронди, конатнень аш Законц коре лия тряй ломаньцна, опекункс или попечителькс;
конатнень улихть 16 кизосотненди молемс ниле или сяда лама тряма идьсна или улихть 16 кизосотненди молемс тряма тядяфтома касы фкя и сяда лама идьсна;
конатнень улихть 22 недяляса пеки рьвасна и 16 кизосотненди молемс колма тряма идьсна;
граждаттненди, конатнень тядяснон синдедост башка улихть 8 кизосотненди молемс ниле и сяда лама идьсна и воспитандавихть синь мирдьфтома;
Федерациянь Советонь члеттненди и Госдумань депутаттненди.
Игорь Тихомиров стане жа азозе, што Российскяй Федерациянь Уголовнай кодексти сувафтфт «военное положение», «военное время» и «мобилизация» понятиятне. Кда эсь воля ломанць макссы прянц пленц, сонь учсесы тюрьмав озафтомась 3 кизотнень эзда сявомок 10 кизотненди молемс, саламанкса—6 кизотнень эзда сявомок 15 кизоти молемс, военнай службань обязан-
носттнень аф пяшкотькшнеманкса аф видексонь урмаса сярядемань васькафнеманкса—5 кизоста сявомок 15 кизоти молемс, эсь мяльс коре частьть кадомац или повесткас коре аф самась—10 кизос.
Мобилизацияс коре сембе тертьфне кармайхть получама сняра жа ярмак, мзяра тяниень пингть получсихть контрактс коре военнослужащайхне, конат мольфтьсазь службаснон специальнай военнай операциянь ётафтомань райоттнень эса. Кепотьксонди, рядовойхненди и матросненди пандови 200 тёжянь цалковай, лейтенанттненди—234 тёжянь цалковай и сяда лама. Тяда башка, мобилизацияс коре серьгятьфне получасазь сембе социальнай гарантиятнень, конат улихть военнослужащайхнень-контрактникнень.
Военнай службать ётаманц колга контрактсь, конань кемокстасы военнослужащайсь, кармай вийса частичнай мобилизациять шумордаманцты, ся случайда башка, конат азфт РФ-нь Президентть Указса.
МР-нь Правительствать Председателенц заместителец Александр Герасин эсь ширденза отмечазе, што маластонь пингть республикаса кармай работама горячай линиянь телефонць, конань коряс граждаттненди ули кода максомс частичнай мобилизациянь темать коряс кизефкст.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...