Ётафтовсь экстремизмать и терроризмать каршес тюремать коряс пресс–конференция

Ня шитнень Мордовия Республикань пресс–центраса региональнай СМИ-нь журналисттнень мархта васедсть МР-нь МВД-ть видеса экстремизмань каршес тюремань Центрать оцюняц Олег Уздимаев и МР-са Россиянь УФСБ-нь сотрудниксь Екатерина Кандратьева.
Васедемать пингста ванондовсть минь республикасонк террористическяй гразяматнень и экстремизмать эрекламанц каршес тюремань кизефксне.
«Экстремисттнень фкя инь оцю цельсна – экстремистскяй тевонь тиемать, аф санкционированнай митинкнень ётафтомаснон, а тяфта же террористическяй актонь тиематнень вельде, конатнень пингста шавовихть ломать, тапави — срафтови инфроструктурась, коламс общественнай порядкать, эвондафтомс ломаттненди пелема, — азозе Олег Уздимаев.
Экстремистскяй пропогандась шарфтф васендакиге од ломаттнень лангс.
«Тяддень кемонь ковста МВД-нь сотрудникне лихтьсть лангу вете преступленият, нилетне конатнень эзда экстремистскяйхть, а фкясь – террористическяй. Сёрматф муворуфнень административнай ответственностьс таргамаснон колга 38 постановления. Интернет – рессурснень ванондомаснон пингста полициянь сотрудникне Роскомнадзору блокировандамс прважасть экстремистскяй смузь мархта 138 материал, — поладозе сяда тов корхтаманц Олег Уздимов.
«Кизоть ушеткстта минь Управлениянь следственнай отделть мархта террористическяй статьять коряс панчфоль и ванондовихть 35 ломанень лангс 40 уголовнай тев. Тя преступлениятнень ёткса аф аньцек терроризмать пропогандац, но и теенза лездомась, ярмаконь ётафтомась и нльне сонь анокламац, — пачфтезе журналисттненди Екатерина Кондратьева.
Тядде УФСБ-нь сотрудникне прокуратурать и Роскомнадзоронь Управлениять мархта сёлгсть антироссийскяй и экстремистскяй смузь мархта 500 интернет – сайт.
Эряви лятфтамс, што РФ-нь УК-нь ламоц статьятнень коряс террористическяй преступлениянь тиеманкса пяксневихть эряфоньберьфс.
Терроризмать и экстремизмать каршес эряви тюремс. Тя марстонь проблема, конац фатнесы государствать и эрь ломантть безопасностенц.