Ётафтовсь флешмоб

29 сентябрьста Саранскяйса, Тысячелетиянь площадьса, ётафтовсь «Минь Россиясь» флешмоб, кона лемдевсь ДНР-ть, ЛНР-ть, Запорожскяй и Херсонскяй областтнень Российскяй Федерациять составс сувамстост кизонь топодемати.
Патриотическяй акциять эса участия примась 150-да лама ломань—«Единай Россиянь Од Гвардиянь» активисттне, студенттне, волонтёрхне. Стирьхне-цёратне строявсть стане, што эсь мархтост тисть «Минь Россиясь» валхт.
«Единай Россиянь Од Гвардиять» региональнай отделениянц руководителец Данил Ульянов, отмечамок патриотическяй акциять важнайшинц, поладозе, што Донецкяйсь, Луганскяйсь, Херсонць, Запорожьясь фалу ульсть Россияти аф явфтови пяльксокс.
«Од территориятнень эряйсна фкя мяльса кирдезь Россиять составс сувамать ширенц. Мон работань наблюдателькс референдумса и няине ломаттнень марса кирдемаснон, сянь, што синь шарьхкотькшнесазь народоньконь ёткса лама веконь братствать. Тяни главнай задачась—кирдемс ширеснон сятнень, кит пяшкотькшнесазь эсь долгснон фронтса, работайхть од территориятнень лангса, эреклафнемок экономикать и мирнай эряфть»,—китькстазе Данил Ульянов.