25 июльста Саранск ошень Военнай и трудовой подвигонь мемориальнай музейса иттнень мархта ётафтовсть патриотическяй квестт.
Васенцесь—«Солдатонь аськолксса ункснезе эсь судьбанц» квестсь лемтьфоль Мордовиянь эряйхненди, конат тюрсть фашисттнень каршес Великай Отечественнай войнать пингста.
«Школада инголе и меле» Саранскяень Идень центрань и «Од краевед» идень лагерень воспитанникне квестонь темать коряс отвечсесть музеень сотрудникнень кизефксснон лангс. Эрь виде ответть инкса иттне казендевсть ламбама казнеса.
Омбоце—«Сяськомань китнень ланга» лем ала квестса, кизефкснень лангс отвечсесть «Лама идьта» благотворительнай общественнай организациянь шабатне.
Кода азозь музеень научнай сотрудникне Анастасия Крыгина и Людмила Матвеева, конат ётафтозь патриотическяй квесттнень, синь темаснон коряс содамошитне иттнень мархта тяни лядыхть сембе пингс. А ня содамошитнень мархта тяда ингольдень поколениянь ломаттнень Подвигснон колга мялямсь тяфта жа фалу кармай эряма ваймосост!
Владимир Нестеров.