Ёткшиста Саранскяйса ушеды «Геройхнень пингсна» фестивальсь

11 сентябрьста Саранскяйса, «Огарёв Арена» универсальнай залса, «Геройхнень пингсна» фестивальть арьсиенза и аноклаенза васетькшнесть республикань журналисттнень мархта и пачфтсть сянь колга, кода ётафтови тя илась тядде. Кармай сон 16-17 сентябрьста и ётай несколька площадка лангса.
—Народнай I премиясь, кона ульсь меля, арась оцю событиякс республиканьконди. Сон сувафтовсь Мордовиять сатфксонзон лувксс Достижения.РФ сайтть эса. Тяддевок тя фестивальть смузец ашезь полафта. Пингстонза, кода и меля, азондови простой ломаттнень героень тевснон и эряфснон колга. Сай кизоня арьсекшнетяма тиемс мероприятиять межрегиональнайкс,—азозе «Подвиги обычных людей» АНО-ть директороц, «Геройхнень пингсна» народнай премиять организатороц Наталья Широкова.
Фестивалень аноклайхнень-ётафтыхнень валснон коряс, тядде сон сяда келептевсь. Кда меля премиянь максомань церемонияс сашендсь 5 тёжятть ломань, тядде сембе мероприятиятненди, конат ётафтовихть 7 площадка лангса, учендови 10 тёжяттнень малава участник и инжи. Тяддень фестивальть эсь лацонь ширец сянь эса, што премиясь максови аф аньцек Мордовиянь эряйхненди. Синь ёткозост сувась Ульяновскяй областьста колледжень преподавательсь Сергей Павлов. Сон аралазе ваямада шабать минь республикасонк.
Тядде премиять получаманкса сембоц максфоль 1100 заявка. Геройхнень инкса вайгяльснон максозь 156 000 ломань. Сайтть ванома ковоньберьф сувсесь 175 000 ломань. Сяськихнень, конат казевихть народнай премияса, лездсть кочкамс эксперттне, конат тертьфтольхть тяконь лувксса и странань лия региоттнень эзда.
Фестивальть пингста А.С.Пушкинонь лемса культурань и ваймамань паркса кармай покодема 20 эрь-кодама площадка. Ётафтовихть налхксемат и пялькстомат. Н.П.Огарёвонь лемса МГУ-са «Геройхнень пингсна» фестивальть видеса 16 сентябрьста кармай «Курс на героя» васедема ся ломаттнень мархта, конат мезеньге лангс апак ватт сатсть эряфса оцю серет и тисть афкуксонь подвикт.
«Подвиги» проектонь продюсерсь Гелена Юсупова тердезень сембонь самс Някань государственнай театрав, коса няфтевихть ломаттнень подвигснон коряс кафта спектакльхть.
Народнай II премиянь лауреаттнень каземасна ётафтови 17 сентябрьста Республикань культурань Дворецса. Илать пингста кармай морама Россиянь Заслуженнай артистсь, содаф музыкантсь и композиторсь Николай Носков.
«Геройхнень пингсна» проектсь ётафневи эряфс Культурнай инициативань Президентскяй фондть грантонц вельде. Тяддень илать ётафтоманкса нолдаф 17,2 миллион цалковай.
Марина СТЕШИНА.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...