Жукунь эряйхне лезнихть боецоньконди

Торбеевскяй райононь Жуку велень клубонь работникне ладясть специальнай военнай операциянь участникненди коське шонгарямонь производства. Тя работати полаткшнихть населеннай пунктонь и лия эряйхне.
Тяниень пингть озадонь седихть аф ащекшни аватне аноклакшнихть сараз и панга мархта шонгарям-лапша, а стане жа траксонь сиволь мархта борщ. Анокламасна аф тёждя и занци лама пинге. Васенда сембе эрявикссь пидеви, сяльде мелкайгофтови и путневи специальнай косьфтамас. Тяда меле ингредиенттне маравихть герметическяй упаковкас. Эрь кяскавнять лангса—сёрманя: «Тядянь кельгома мархта Торбеевскяй райононь Жуку велень аватнень эзда. Учтядязь Сяськома мархта!»
Маластонь пингть 144 порцияста ащи васенце партиясь прважави передовои. Натуральнай коське шонгаряпнень лангс сатомшка каямс лакай ведь, кирдемс 7-10 минута, и ярхцамбяльсь анок.
«Модамарьхнень, шурьхкять, пурьхкять—семботь кандсаськ кудста. Эсь переса касфтф продукцияста шонгаряпне лисендихть афкукс кудоннекс. А главнайсь— синь пидефт кельгома мархта. Мяленьке пачфтемс боецоньконди седиень лямбоняньконь, сяс мес теест тоса аф тёждя»,—мярьгсь Жуку велень клубонь культорганизаторсь Елена Салайкина.