Христианскяй од ломаттне пуромкшнесть ширезонк форумс

19 июльста Саранскяйса Москувонь и марнек Русень Патриархть Кириллонь бславаманц коряс панжевсь
СНГ-нь странатнень эса христианскяй од ломанень васенце форумсь. Сонь пуроптыец Христианскяй межконфессиональнай консультативнай комитетсь—Евразияса оцюдонга оцю площадка, конань лангса мольфтевихть корхтамат христианскяй конфессиятнень ёткса.

Россиянь 22 регионцта, а стане жа Белоруссияста, Германияста, Арменияста, Молдавияста, Киргизияста и Таджикистанцта участникне—Русскяй православнай церькавонь, Римскяй католическяй церькавонь, Армянскяй апостольскяй церькавонь, Евангелическо-лютеранскяй церькавонь, баптистскяй, пятидесятническяй и адвентистскяй церькавонь, союзонь и общинань представительхне пуромкшнесть Саранскяи, штоба корхнемс, кодама стакань-сталмонь мархта васетькшнихть тячи христианскяй од ломаттне, и кода каршек ащемс ня прябалатненди, тяконь лувксса медийнай пространстваса. Форумсь ётафтовсь кизонь лагерень форматса 18 июльста сявомок 22 июльти молемс Саранск ошень округонь Макаровка велеса Иоанно-Богословскяй алянь монастырть видеса Паломническяй центраса.
Приветствиянь вал мархта форумонь участникненди видеосвязть вельде пшкядсь Москувонь и сембе Русень Патриархсь Кирилл. Сон лемдезе мероприятиять пяк важнай площадкакс опытса полафнеманкса, арьсесь од ломаттненди сатфкст тя тевсост.
«Тейнек оцю честь, што Москувонь и сембе Русень святейшай Патриархть Кириллонь бславаманц и христианскяй лия конфессиянь оцюнятнень решенияснон коряс тяфтама важнай теманди лемтьф форумть ётафтомс довериясь максф минь республиканьконди,—мярьгсь Артём Здунов.—Мордовиять пуроптф оцю опытоц православнай од ломаттнень мархта работать коряс.
Патриархть ширень кирдеманц вельде сисем кизода тяда инголе республикаса тиф Приволжскяй федеральнай округса од ломаттнень тевснон коряс Синодальнай отделть Координационнай центрац. Тя площадкать лангса эвондась социальнай ширде эрявикс лама проект. Кепси мяль, што тя работать эса активнай участия примси Мордовиянь Православнай од ломанень союзсь, конанди тяддень январьста топодсь 20 киза. Сонь активистонза лац виияфнесазь волонтёрствать и благотворительностть, водендакшнесазь эсь тевснонды школьникнень, студенттнень, педагокнень, духовенствать и аф озадонь седихть ащи сембе ломаттнень».
Саранскяй и Мордовскяй митрополитсь Зиновий арьсесь форумонь участникненди мумс видексонь ответт сембе тячиень прябалань кизефксненди и ащемс каршек Западть аф видексонь питнишинзонды. Форумс тертьфтольхть репродуктивнай шумбрашить коряс странань инь цебярь специалисттне, а стане жа «Женщины за жизнь» федеральнай благотворительнай фондть, кона мольфти пеки аватнень ширеснон кирдемаснон и аборттнень профилактикаснон коряс работа, руководителец. Наталья Москвитина кошардозень од ломаттнень улемс мезьдовок аф пеликс, и видешиса корхнемс сянь колга, мезсь эряй седисост.
Христианскяй межконфессиональнай консультативнай комитетть секретарец Стефан Игумнов спасибась республикань руководствати и митрополияти форумть ётафтоманкса и лемдезе Мордовиять Россиянь христианскяй «пси седикс».

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...