Ковылкина ошень «Патриот» паркса панчфоль од храм святой великомученикть Георгий Победоносецонь лемс. Сон строяфоль СВО-са шавф боецненди лятфнемс. Тя оцю православнай илас сашендсть Ковылкинскяй районца шачфне-касфне, конат тяни эряйхть Мордовиять эзда ширеса, почётнай инжихть Москуста, Саранскяйста, Россиянь лия региоттнень эзда. Кинди ашезь удала повомс службас храмть потмос, ванцть мельганза оцю мониторста, конат путфтольхть площади.
Праздниксь ушедсь освящениянь чинцта, конань ётафтозе Саранскяй и Мордовскяй митрополитсь Зиновий. Владыкась священникнень мархта храмть перьфке тись крестнай ход, почедомок сонь святой ведьса. Тоса храмса ушедсь божественнай литургия. Меколи Владыкась Зиновий азозе, што храмса настоятелькс кармай улема протоиерейсь Алексей Овчинников.
Мордовия Республикань Оцюнять лемста Владыкати пшкядсь МР-нь Оцюнять и Правительствать Администрацияснон Руководителец Булат Хайрутдинов. Храмсь строяфоль Ковылкинскяй райононь ингольдень эряйть, меценатть Егор Сорокинонь ярмаконзон лангс.
О нас
«Мокшень правда — одна из старейших газет России, она основана в 1921 году. Это единственная газета в стране и мире, выходящая на мордовском-мокша языке.
Архив новостей
Контакты
Главный редактор - 24-57-73
Заместитель редактора - 24-42-51
Ответственный секретарь-24-57-03
Бухгалтерия - 24-42-68
E-mail: mokshenpr@e-mordovia.ru
Социальные сети
© 2022 "МОКШЕНЬ ПРАВДА". ВСЕ ПРАВА ЗАЩИЩЕНЫ. 16+