Ломатть, тясть юмафне Шкайти кемамать, озондода маластонь ломанентень шумбрашиснон инкса!
Мялезе пачфтемс историять, кода аралайне стирезень. Тяни сонцьке ни тядя, а эста ёфси стирняль. Ушедсь пяк осалгодома. Эвондась вии коз. Шамац лофтаналь, сельмонза ваясть потму. «Мезце сяряди?» кизефксть лангс отвечсесь, што сембось лац. Меколи путсть кафта ширдень пневмония диагноз. Врачсь мярьгсь, што надиямс аш мезень лангс: таблеткатнень организмась аф примасыне, капельникт путнемс аш коза, сяс мес вер саттне пяк шуванят. Лиякс азомс, докторхнень ашель мяльсна тюремс эряфонц инкса.
Эста молень церькаву, заказань шумбрашинкса сорокоуст, озондонь сембе святойхненди и стирезень инкса. Больницяв каннень святой ведь, симнине стирезень, пркшсине вастонц. Но стирнясь сембе сяка шиста шис солась. Ков пяле мархта ащесь васта лангса, ашезь ярхца, лоткась сотцемдон.
И вов весть больницяса корхтазевонь фкя ава мархта, кона азондсь прополисонь ведть и сонь пчкафты виенц колга. Сань мяльс симдемс стирезень. Кафта недяляда меле стирезе анась кши кувоня, меле валомне ушедсь фруктада ярхцама, морста симома… И фкя шиня стясь пильгонзон лангс. Аньцек нолдазь сонь больницяста, тага молень церькаву, азонь спасиба сембе святойхненди.
Е.Васенина.