УСПЕНСКЯЙ ПОСТСЬ

Тячи, 14 августста, ушедсь Успениянь постсь. Моли сон 28 августть самс. Тя шиня православнай ломаттне отмечасазь церковнай кизонь мекольце двунадесятай праздникть—Пресвятой Богородицать Успениянц. «Успение» валть значенияц—«кончина». Тя корхтай сянь колга, што шумордавсь Пресвятой Богородицать модаса эряфоц и ушедсь менеленнесь.
Тя постста понедельникста, вержиста и пяденцяста ярхцсема аньцек коське ярхцамбяльда (сухоядение). Шавшиста, шуваланяста—пидеф ярхцамбяльда вайфтома. Еткшиста и недляшиста можна ярхцамс постнай вай мархта.
Преображение Господне иласта, а уленди сон эрь кизоня 19 августста, православнайхне ярхцсихть калда. Кда Успениясь сави вержиенди или пяденцянди, тя шиня можна ярхцамс калда, но аф сивольда, лофцта, алда.