Пялькстомас пуромкшнесь сядот ломань

24 майста «ЗаБег.РФ» IX Всероссийскяй полумарафононь участникокс арась 170 тёжяньда лама ломань Россиянь 89 субъектса. Мероприятиясь сяшкава тусь региононь эряйхнень мяльс, што кармась ётафневома фалу. Пялькстоматнень ширеснон кирдезь аф аньцек тястонь спортсметтне, но и шабра региоттнень эзда саф инжихне. Главнай событиятне ётафтовсть «Мордовия Арена» стадионца. Эрти ульсь кода кочкамс мяльс коре дистанция—1,5, 10 или 21,1 вайгяльбе. Тяда башка, ульсь забег ограниченнай возможность мархта шабатненди. Стартти полаткшнесть СВО-нь ветераттне и синь семьясна.
Полумарафонць лемтьфоль Великай Отечественнай войнаса Сяськомать 80 кизонцты.