Ширесонк пялькстыхть странань биатлонисттне

12 январьста сявомок 14 январти молемс Мордовиять столицаса ётафтовсь биатлонть коряс 21 кизода сире спортсметтнень ёткса Россиянь Первенствась.
Россиянь 26 субъектста 180 ломанць пялькстсть Лыжно-биатлоннай комплексса, конанди тядде тиеви реконструкция «Спорт—норма жизни» федеральнай проектть мяльса кирдезь. Мордовиянь представительсь, спортонь тялонь виттнень коряс СШОР-нь воспитанниксь Ярослав Конкин арась нилецекс 7,5 вайгяльбес суперперсьютса. Тяда башка, сон занязе 7 вастть 10 вайгяльбес спринтса.
Сембоц 2023 кизоня Лыжно-биатлоннай комплексть видеса арьсефт ётафтомс биатлонть коряс нинге 7 пялькстомат, тяконь лувксса Россиянь од ломаттнень Спартакиадасна, цёратнень и юниорхнень ёткса Россиянь первенствать финальнай пялькстомасна, а стане жа Россиянь первенствати и Россиянь од ломаттнень спартакиадаснон финалонцты отборочнай состязаниятне (ПФО).
16-22 январьста Лыжно-биатлоннай комплекссь примасыне Мордовия Республикань Биатлононь федерациять призонзон инкса биатлонть коряс пялькстоматнень, Москувонь первенствать.