Спортонь ила—Отечествань аралайхнень идьснонды

Отечествань аралайхнень идьснонды «Со спортом мы СВОи» лем ала спортивнай мероприятиясь ётафтовсь 16 майста Саранскяйса, «Старт» стадионца. Аноклаенза-ётафтыенза: «Защитники Отечества» государственнай фондть филиалоц, Мордовиянь Футболонь федерациясь, Спортонь региональнай министерствась и стадиононь руководствась. Шабатненди мастер-класс ётафтсть МР-нь Футболонь федерациять президентоц Алексей Шебанов, тренерсь Сергей Ильин и «Мордовия» футбольнай клубонь воспитанникне. Синь руководстваснон ала иттне тиендсть упражненият, ётафтсть весяла эстафета и налхксть футболса кафта таймат. Сяськсь ялгаксшись и сембе участникне получасть медальхть.
«Отечествань аралайхнень шабаснонды тяфтама мероприятиятне арасть ни пара койкс. Тейнек ня иттне—тяфтама жа геройхть, кода и синь алясна, конат аралакшнесазь Родинать интересонзон. И минь тисаськ семботь, штоба синь фалу марялезь ширень кирдеманьконь и венемольхть од сатфксненди спортса и эряфса!»—мярьгсь Алексей Шебанов.
Отечествань аралайхнень шабаснонды футбольнай тренировкат ётафневихть фалу. Сёрматфтомс командати ули кода Госфондонь социальнай координаторхнень вельде.