Сяськсь «мордовиянь газовикне» командась

Ёткшиста, 29 октябрьста, «Мордовия Арена» стадионца ётафтовсь Мордовскяй футбольнай лигать зрнянь матчец. Васенце вастть инкса пялькстсть «Мордовиянь газовикне» и «Нектарин» командатне.
Ваныхненди стадиону сувамась ульсь питнефтома, футболонь афкуксонь кельгихнень мяльснон ашезе кола нльне сёксень пизему погодаське. Матчть ушедомда инголе стадионца ётафтовсь концертнай программа, работась буфет и футбольнай атрибутикань ёмла ярмарка.

Финалть панжемста республикань Камернай хорсь моразе Россиянь Гимнать. Мордовиянь Оцюнясь Артём Здунов пшкядсь пуромфненди: «Приветствовандасайне сембонь, кит кельгсазь футболть, Мордовскяй футбольнай лигать финалса! Пяк правильнай мероприятиясь массовай спортть виияфнеманкса, сятненди, кие ванонды футбол, налхкси футболса, аф пели лисендемс паксять лангс».
Региононь руководительсь спасибась организаторхненди и сембонди, кие кирдезе Мордовскяй футбольнай лигать ширенц. Од турнирть васенце сезонцонза примась участия 18 любительскяй команда, конат пуроптфт республикань предприятиянь и организациянь работникнень эзда. Ламоц участникне аф аньцек няфтезь эсь коллективснон МФЛ-са, но и сявсть эсь лангозост кураторства идень и юношескяй командатнень лангса: рамасть од налхкихненди форма и футбольнай амуниция, паннихть пялькстомаса улендемаснон инкса.
«Карматама виияфнемонза массовай спортть сяда товга!»—мярьгсь Артём Здунов.
МФЛ-нь участникненди, организаторхненди и болельщикненди приветствиянь валхт азсть Российскяй футбольнай союзонь региональнай виияфтомань Департаментть руководителец Валентин Минкин, Мордовскяй футбольнай лигать президентоц, Россиянь Заслуженнай тренерсь Валерий Четверик и международнай классонь спортонь мастерсь, «Спартак» футбольнай клубть лувксса Россиянь вейхксонь-крдань чемпионць Дмитрий Ананко.
«Нектарин» и «Мордовиянь газовикне» командатнень ёткса финальнай матчсь шумордавсь 5:1 счётса. Саф мяльс, што 2023 кизоня Мордовскяй футбольнай лигась кармай сяда тов кеняртьфнемост эсь матчензон мархта футболонь кельгихнень.
Лятфтасаськ, Мордовскяй футбольнай лигать турнироц ушедовсь регионца 2022 кизоня республикань Оцюнять Артём Здуновонь мяленц коряс. Августста сявомок октябрти молемс ётафтфоль 80 матч, тевс нолдафтольхть Саранскяйса и республикань муниципальнай райоттнень эса пялькстомань футбольнай сембе площадкатне, лигать матчензон эса марса примась участия 532 налхки. МФЛ-нь финалсь ульсь «Мордовия Арена» стадионца, кона 2018 кизоня примазень Футболть коряс миронь чемпионатть матчензон.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...