10 ноябрьста Мордовиянь Оцюнясь Артём Здунов примась участия олимпиецнень мархта школьникнень, студенттнень и спортсметтнень васедемасост—сон ульсь М.Е.Евсевьевонь лемса МГПУ-са.
Галина Горохова—фехтованиять коряс колмонь-крда олимпийскяй чемпионкась и миронь вейхксонь-крда чемпионкась, Татьяна Сарычева—волейболть коряс кафтонь-крда миронь олимпийскяй и Европань чемпионкась, Нелли Ферябникова—баскетболть коряс миронь кафтонь-крда олимпийскяй и Европань ветень-крда чемпионкась—синь сашендсть Саранскяи «Олимпийские легенды—детям, молодёжи и детскому спорту России» Всероссийскяй благотворительнай программать вельде, конань ётафнесы эряфс Спортсменонь российскяй союзсь марса Россиянь Олимпийскяй комитетть мархта 2014 кизоста сявомок. Тя пингста Россиянь сборнай олимпийскяй командась ульсь РФ-нь 60-да лама субъектса. Тяфтама васедемань участникокс арась 400 населённай пунктонь эряйсь. Саранскяйса васедематне ётафтовсть кафта площадка лангса—М.Е.Евсевьевонь лемса МГПУ-са и 17№ школаса. Од ломаттнень мархта корхтамати полаткшнесть стане жа олимпийскяй чемпиоттне Алексей Мишин и Ольга Каниськина.
Мордовиянь Оцюнясь спасибась олимпиецненди од ломаттненди мялень салай мероприятиянкса—мзярда од спортсметтнень ули возможностьсна корхнемс марнек странаса содаф ломаттнень мархта.
«Оттненди фалу эряви сявондемс кинь-бди эзда пример,—мярьгсь Артём Здунов.—Тяфтома пяк стака эряфса. Эряви венемомс сай пингти, оцю вийхненди. Вов тейне эсь пингстон удалась—физкультурань преподавателькс ульсь Ольга Николаевна Князевась—фехтованиять коряс олимпийскяй чемпионкась. Сон лама макссь тейнек, тяконь лувксса спортти кельгомать. Кие-бди арась спортсменкс, кие-бди эряфоньберьф латци спортть мархта. Мялезе азомс оцю спасиба спортсменоньконди сянкса, што тинь лемнесасть пингонтень од ломаттненди—сашенттада, отвечсетяда кизефксснон лангс и азонкшнесасть, кода сатоде тяфтама оцю сатфкст. Верондада, ня видьмотне максыхть лисьфкат сай пингть».