Аралай инфекцияда, седиень и
сосудань урмада

Мекольдень пингть сидеста корхнихть сянь колга, што пяк пара симондемс шобдава лимононь сок мархта ведь или ару ведь. Фкя или кафта стакатт, сяда пара симомс псиста.
Улема, лимон мархта ведсь пяк ладяй организмати, мон ашине варчсе тянь. Но содаса, што чесноконнесь—вии средства! Шумбрашинь и одксшинь рецептозе тёждя. Сргозькшнян рана, сявондян чесноконь пейня, тапсеса пеельса, кайсеса стаканц, конань пяшкотькшнеса пси ведьса. Меле тиендян зарядка, якан душу. Мзярда завтракамати ляткшни пяле част, симондьса тя ведть и нилендьса чеснокть. Мезе тя максы? Сон аралай инфекцияда, седиень и сосудань урмада. А ужнамать вастс кой-коста симондян чеснок мархта лофца. Стане жа тапсян фкя пейня, кайсян лангозонза стакан пси лофца и 20 минутада меле симондьса ёмла копорксонь. Меле лац удан. Атказамок недяляти хуш фкя ужнамать эзда и полафтомок сонь чесноконь лофцса, ули кода кирдемс контроль ала ронгть сталмонц. Чесноконь симомбяльхненди кельгомась ётась тядязень и алязень эзда, конат тячемс аф пеняцяйхть шумбрашиснон лангс.
Ю.Федоров.