Чивгть колга

Чивгса 1,5-крда сяда лама витаминда лимонть коряс. Эсонза ули железа, селен, йода, каротин, фосфор.
*Гипертониять пингста. Сахар мархта тапаф имошне и соксь лац валхтсазь давлениять. Сивондеда 1-2 столовай куцювонь ярхцамда инголе колмоксть-нилексть шити. Или 1 стакан чивгонь имошнень лангс каяда пяле стакан лакай ведь, кадость ащема 15 минутас, пувордасть. Симондеда сокта 1 столовай куцювонь колмоксть шити, мзярда ярхцамати ляды 15 минута.
*Тинь бронхит? 2 столовай куцюфт имошнень шовордасть пяле стакан медь мархта. Кадость ащема 5 частс. Симондеда 1 столовай куцювонь ветексть-котоксть шити ярхцаматнень ёткова (кирьфтаф давлениять пингста—пяле столовай куцювонь).
*Атеросклерозть пингста. 2 столовай куцюфт тапаф имошнень лангс каяда 1 стакан лакай ведь. Кадость ащема 4 частс, педясть и пувордасть. Симондеда пяле стаканонь колмоксть-нилексть шити, мзярда ярхцамати ляды пяле част.
*Экземада, дерматитта. 2 столовай куцюфт мелкайгофтф чивгонь судть лангс каяда 1 стакан лакай ведь. Кирдесть ёмла тол лангса (таваткс ала) пяле част, кадость ащема 10 минутас. Педясть и пачфтость ингольдень объёмонцты. Симондеда 2 столовай куцювонь колмоксть-нилексть шити ярхцамда меле.
*Гастритть пингста. 1 столовай куцю чивгонь панчфнень лангс каяда 1 стакан лакай ведь. Лакафтость 2 минутат пякстаф кядьгоса, педясть. Симондеда 1 столовай куцювонь колмоксть шити.
*Диатезть пингста (иттненди). Чивгонь од тараткятнень (путьконек) керсесть и марасть кастрюляс (3/4 пяльксонц), каяда ведь. Путость духовкав 3 частс. Сяльде педясть, пувордасть, кайсесть шобда тюсонь сюлекас и ванфтость кельмаза вастса. Макссема иттненди 1 чайнай куцюнянь колмоксть шити: шобдава (мзярда завтракамати ляды 2 частт), сяльде 2 частонь ётазь обедамда меле и 1,5 частонь ётазь ужнамда меле. Можна аф ламода ламбаськофтомс.
*Кельмофтевомада и прянь сярятьфта чай. 1 столовай куцю тапаф имошнень лангс каяда 1 стакан лакай ведь, аф лама сахар и кадость ащема. Симондеда тяфтама чайда весть шити.