Кельмофтевомада

Кда сярятькстсь кргапаренте, ушедсть шудема нолгонте, кассь температуранте—тя кельмофтевома. Кда ни тяфта, теенть эряви ащемс кудса.
А кда ни аш тяфтама возможностенте, пчкафнеда пря народнай рецепттнень вельде.
*Мелкайгофтомс 100 грамма чеснок, лангозонза каямс 1 стакан водка и лацкас блдорфтомс. 1 путерькскя путняфтомс кяльть лангс и аф лама пингонь ётазь нилемс. Тиендемс тяфта шити несколькаксть (3-4 ши).
*Мясорубкань пачк нолдамс лимон (кеднек) и лангозонза каямс постнай вай. Вадендемс мархтонза шалхковарятнень шити несколькаксть. Тя шоряфксть мархта ули кода шовсемс пейзивольхнень (ярхцамда инголе и меле), а венц лангс—пильге лапатнень и пилетнень.
*Оцю температурать пингста тёркаса шовамс 2 модамарьхть и шовордамс 1 столовай куцю марень уксус мархта. Аноклаф ямнять марамс котф пакшкя лангс и путомс коняти. Компрессь полафнема эрь кафта частонь ётазь.
*1 лимонть ваткамс кеденц, таргамс видьмонзон. Шовордамс 300 грамма ваткаф и ёмланяста керсеф и мясорубкань пачк нолдаф имбирь мархта. Аноклаф ямняти каямс 200 грамма медь и марамс ару кядьгос. Чайти шовордамс 1 чайнай куцюня шоряфкс и симондемс шити колмоксть.
*Инезиень (косьфтаф) имошнень лангс каямс 500 миллилитра лакай ведь и кадомс 20 минутас ащема. Симондемс венц лангс 2 стаканонь. Тяфтама шоряфксса ули кода оргалямс сяряди кргапарть.