Прянь сярятьфсь, аф удомась, седиень сярятьфсь эвондакшнихть нерватнень, таколдомать-пичедематнень инкса. Улема, кодамовок таблетка аф лезды. А нинге лекарстватнень улихть побочнай эффектсна. А вов кудонь натуральнай бальзамсь лездсь тейне.
Сон аноклави тяфта: сявомс 0,5 литра водка, 50 граммань пизелксонь и офтоньбокорьксонь (шиповник) имошт, 20 грамма офтонь марень (боярышник) панчфт или имошт, 15 грамма куд ваны корянь (девясил), 10 граммань никсама тише (желтый донник), ногай палакс (пустырник) и гвоздика, 5 граммань анис или тмин, а стане жа акша пря панчф (ромашка).
Имошнень и тишетнень мелкайгофтомс, марамс банкас и каямс лангозост водка. Лацкас тавадомс панксса и кирдемс 2-3 недяля шобда вастса. Сяльде педямс, лацкас пувордамок тишетнень и имошнень, и кайсемс сюлекава. Симондемс 1 чайнай куцюнянь шобдава и илять, ули кода чай или сок мархта.
Бальзамть дозанц касфнемс аш кода, сяс мес тя концентрированнай вии вещества. Дозать касфтомац кой-коста аф кемокстасы шумбрашить, а, меколанкт, лафчептьсы сонь. Тя лекарствать пчкафты виец ули аньцек эста, кда сонь нолямс тевс фалу и ёмла дозаса.
Ирина Шаронова.