Ковидть и гриппть каршес прививкат—фкя пингста

Коронавируснай инфекциянь пандемиясь моли сяда тов. Тяка пингть малаткшни и гриппть вихонзамац. Сяс ламотнень пичефтьсыне кизефкссь—можна-аф фкя пингста тиемс прививка и тя, и тона урмать каршес.
Россиянь Здравоохранениянь министерствась мярьгонди тиемда тянь. Тянь коряс полафткст сувафтфт «Гам-Ковид-Вак» («Спутник V») вакцинать тевс нолдамань инструкциязонза. «Спутник V»-ть и гриппть каршес вакцинать фкя пингста организмати повомасна ванф исследованиятнень пингста, содаф—иммунитетонь кемоксни вийсна кафцьке ня препараттнень тянкса аф киренди. Ковидть и гриппть каршес фкя пингста вакцинировандамста препараттне нолявихть ронгть эса разнай вастс, кепотьксонди, кержи и види лафтути. Кда кодама-бди туфталонкса ашезь удала тифтемс прививкатнень фкя шиня, вакцинациятнень ёткса улеза 1 ков. Стане жа ули кода нолдамс тевс интраназальнай вакцинать, мзярда препаратсь нолдави шалхка варятненди. Интраназальнай вакцинациясь тиендеви кафта этапса, 21 шинь ётазь.
Ковидть и гриппть вихонзамста ломаттненди кода аш мзярдовок эряви араламс эсь пряснон—тя мярьгондеви кода эряфкшуфненди, стане и оттненди.