Козда—шапарякссь

Содаса, аф сембе ломаттне кельгсазь шапаряксть сяпи таньфонц инкса. Вдь сяпикс перень тя сёроть тисазь гликозиттне, конатнень улихть противовоспалительнай, антибактериальнай, козда аралай и таргозьфонь инголдай ширесна.
Кудсонк равжа шапарякссь—пчкафты содаф средстватнень эзда фкясь.
♦Киськть лангса токаф, киськордаф васттнень курокста пчкамаснон инкса шовсетяма равжа шапарякс ёмла варяня тёркаса и шорсесаськ лисьф ямнять тозеронь почф мархта. Меле лисьф ямнять эзда тиенттяма аф оцю цюкорнят и путнесаськ сяряди вастти, кемокстамок бинтса или пластырьса. Несколька тяфтама процедурада меле токаф и киськордаф васттне пчкяйхть.
♦Кельмофтевомста шапаряксть тевс нолясаськ кельме ингаляциянди. Тянкса шовсесаськ сонь тёркаса и марсесаськ клянцеконь кядьгос. Меле шити котоксть-кафксоксть крхкаста тарксесаськ ваймоньконь тя банкать вельхксса, аф ламос кирнемок ваймоть нолдамдонза инголе.
♦Эзнянь и пукшень сярятьфнень, токаф и ускф васттнень пингста шовсесаськ сяряди васттнень шапаряксонь настойса: 1,5 стакан шапаряксонь сок, 1 стакан медь, 0,5 стакан водка и 1 столовай куцю сал. Семботь лацкас шорсесаськ и нолясаськ тевс компресс или примочка лаца, фкя пингть симондемок 1 столовай куцювонь колмоксть шити—тя виияфтсы пчкафты виенц.
В.Братникова.