Лезни ломаттненди ванфтомс шумбрашиснон

Мзярда Исапря велень школань 5-це классонь тонафнити, Ленати, мярьгсть тяштемс «Кикс ёрат улемс, мзярда касат» темас коре сочинения, стирнясь арьсезевсь, вдь тяда инголе тяфтама мяльхть прязонза афи сашендсть. Сон лятфтазень перьфканза эряй ломаттнень, сянь, мезень колга лувондсь книгаста или няйсь телевизорста. Кона профессиясь сяда цебярь? Кода кочкамс эряфонь кить? Лена сёрмадсь: мзярда касан, карман пчкафнема ломатть…

Ся сочинениясь сёрматфоль кунара. Эстоньбере лама пинге ётась, и тяни ломаттне кенордайхть участковай терапевтснонды Елена Александровна Кондрашкинати.
—Мон нинге школаса тонафнемста ушедонь аноклама прязень тя профессияти. А сяс кефкиеце классть аделамда меле фкявок ши ашине синне прязень, коза молемс тонафнема. Поступань Н.П.Огарёвонь лемса университетонь Медицинскяй институту. Аделайне, ётайне ординатурать. 2017 кизоня «Земский доктор» программать коряс молень покодема Пензенскяй областень Лунино посёлкав, районнай поликлиникав,—лятфнесы Елена.
Тяфта ушедсь од докторть покодемань киц. Эряви азомс, ся пингть сон ульсь ни тядякс. Нилеце курсса тонафнемста мирденц, Викторонь мархта шачсь Вероника стирнясна. И од семьясь ашезь пеле тумс покодема аф козонга оцю ошу, кода тиендихть ламотне, а простой райцентрав, коса вестеньге тяда иголе ашельхть.
—Тядяньке-аляньке ширеньконь кирдезь, кивок каршек ашезь аще. Шарьхкотькшнезь, «Земский доктор» программась—цебярь лезкс од специалисттненди. Да и Пенза аймакське тязк, маласа. Сяс куду сашенкшнеме сидеста. Виденц азомс, посёлкань поликлиникаса покодемась аф тёждя. Тяса аф сатнихть узкопрофильнай специалисттне, диагностиканди оборудованиясь. Терапевтть лафтувонзон лангс прашенды пяк лама тев. Мон вятень кафта участкат, сяс мес ашесть сатне участковай врачне. Шити сашендовсь примсемс лама сяряди.
Тяни Елена Кондрашкина покоди Саранскяень 3№ поликлиникаса.
Участковай терапевтсь аф аньцек кабинетса ащекшни. Теенза сашендови якамс кудга, варчсемс ся сярядихнень, кинь аш пачкодемшкац поликлиникав. Пизем ульцяса или лов, аф ваномок мезеньге лангс, сявсы сумканянц и туй.
—Ломанць вдь учи эсон. Теест эряви лезкс. Сембода пяк учихть сиренятне. Синь васьфнесамазь кода оцю инжиень, а сельмосост сняра надиямада сянди, што мон потафтса урмаснон. Поликлиникать эзда участказон молема 15-шка минута,—азозе докторсь.
Саранскяйса Елена Александровна покоди аф сяшкава кунара, февраль ковть ушетксста сявомок. Васенда, кле, стакаль: од васта, од ломатть. А тяни сембось тонадовсь.
—Тячи ламоц ломаттне, сембодонга пяк оттне, кельгсазь путнемс эстеест диагноз и пчкафнемс пря интернетста сявф рецепттнень вельде. Кода доктор, афолень мярьге тяфта тиендемда. Сидеста тейнек сашендови ламос петнемс ломантть шумбрашинц тяфтама «пчксемада» меле. Кда урмаськододе, муда пинге пачкодемс враченди. А нинге сувседа поликлиникав аф аньцек мзярда сярятькстоде. Пингонь-пингонь няфнеда пря враченди, штоба инголдамс урмать,—мярьгсь докторсь Елена Кондрашкина.
Марина Стешина.

Последние новости

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть...

«Варяг» крейсерть подвигоц

9 февральсь—Россиять военнай историясонза мяляфтови дата. Тя шиня 1904...

Мазыхть мокшень стиреньке

Кельгома морафтыеньке! 2025 кизоня «Мокшень правда» газетась сяда тов...

Рославльскяй Краснознамённай 326-це стрелковай дивизиясь пуроптфоль Саранскяйса

Тядде васьфтьсаськ оцюдонга оцю илать—Великай Сяськомать 80 кизонь топодеманц....

Эрявикс кизефксненди—башка мяль

Ётай недялять Саранскяйса, Республикань Кудса, ётафтовсь Мордовия Республикань сисемце...

В МОРДОВИИ ЭКСПЕРТНЫЙ СОВЕТ ПРИ АТК ОЦЕНИЛ КОНТЕНТ ДЛЯ МОЛОДЕЖИ

6 февраля в Доме Республики под председательством заместителя Руководителя Администрации Главы Республики Мордовия и Правительства Республики Мордовия – руководителя Пресс-службы Главы Республики Мордовия Елены...

Пенсионеркась ётафтсь аф пелькс счётс 5,5 миллиотт цалковай

Кода пачфни «Стопмошенник13» телеграм-каналсь, Россиянь УМВД-нь Саранск ошень округть эзга 4№ полициянь отделу пшкядсь ошень 65 кизоса авась, кона пачфтсь вете тёжяньда лама цалковаенц...