Медсь лезды седити

Авозезе арьси, што седиень урмаса сярядихненди пяк лац лезды медсь. Кда седись максси эсь колганза содамс шурода весть, сивондеда медь тяфта—1 чайнай куцюнянь колмоксть-нилексть шити, сяда пара лофца или фрукта мархта. А седиень стака урматнень пингста медьта ярхцсема сяда ламос (1-2 ков) 1-2 столовай куцювонь суткати—тя цебярьгофтсы шумбрашить, гемоглобинть.
Тя или тона урмада авозезе тиенди медень пчкафты шоряфкст.
*Гипертониять пингста—якстеряпсонь сок медь мархта (1:1). Симондема 1 столовай куцювонь колмоксть шити.
*Атеросклерозть пингста—медень-шурьхкянь шоряфкс (1:1) 1 столовай куцювонь колмоксть шити, мзярда ярхцамати ляды част или ярхцамада меле 3 частонь ётазь. Пчкафтомань курссь—колма кофт, лотксемс кафта недяляс эрь ковда меле.
*Седиень ишемическяй урмать пингста лезды чеснок мархта медсь. 250 грамма ваткаф и шоварняса тапаф чеснокть лангс каямс 350 грамма свежай медь, лацкас шорямс и кирдемс 10 шит. Сивондемс 1 десертнай куцювонь колмоксть шити ярхцамда инголе. Пчкафтомань курссь—1 ков.
Сембе ня рецепттне варжафт, пяк лездыхть.
Валентина
Трофимова.