Якамок пичень вирьге, шарьхкодьсак, што кожфсь тоса сяда ару и тёждя, сяс мес тяса сон козя фитонцидса, конат машфтсазь пелькс бактериятнень и микроорганизматнень. Пичень салмокссь пяк цебярь пчкафты.
Сянгяря салмокскятнень эса лама эфирнай вайда, каротинда и С витаминда, конат кемокстасазь иммунитетть. Пичень салмоксса улихть дубильнай веществат. Синь тюрихть воспалениять каршес, а микроэлементтне отвечайхть обменнай процесснень инкса.
Мезть пчкафтсазь пичень салмоксне?
Кельмофтевомать. Шовасть сянгяря тараткять кядьса и никсасть, тя пяк кунардонь средства сузокстомада. Пичень путьконь отварть тевс нолясазь ангинать пингста ингаляциянди и ваймоть стакаста тарксевомста. Пичень салмоксонь и кузмарень настойсь лезды пчкафтомс кельмофтевомать.
Киськонь урматнень. Кда эвондасть путькт, симондема пичень тараткянь настойда.
Тевлавонь урматнень. Кузмарень отварда симондема тевлавонь воспалениять и астмать пингста. Сон сетьмофтьсы сярятьфть. Отварсь цебярь антисептик.
Тевлавонь урматнень пингста 10 граммат пичень или кузонь мелкайгофтф путькнень лангс каямс стакан лакай ведь, кирдемс 4 частт. Педямс. Симондемс 1 столовай куцювонь эрь 2-3 частть.
Пичемарьхнень и уфамть. Пичень салмоксонь отварсь—сярьфонь лихти пяк цебярь средства.
Радикулитть, ревматизмать, пакарень сярятьфть. Пичень и кузонь настойть кунара нолясазь тевс ваннанди пакарьхнень сярядемста. Артритть пингста кузонь свежай тараттнень лангс каямс лакай ведь и кадомс ащема. Настойти нолдамс пяле частс пилькнень, кяттнень. Меле вельхтямс лямбе нуласа.
Авитаминозть. Пичень салмоксонь настойсь козякофтсы организмать С, В1, В2 витаминца. Пяле стакан мелкайгофтф салмокснень лангс каямс 0,5 стакан лакай ведь. Кирдемс кафта шит шобда вастса. Меле шовордамс тяза фкя лимононь сок и медь.