Отитсь—пелькс тев!

Отитть пчкафтоманцты шарфтома башка мяль: тя пелькс урма. Улихть народнай рецептт, конат лездыхть, кда тевс синь нолямс маштозь.
*Путняфнемс пилети спирт и спирт мархта настойкат аф эряви: синь пидесазь киськть и «сивсазь» лангсонза уликс рананятнень-меснень. А сыяфты отитть пингста ули пелькс барабаннай перепонкать пялевоманц инкса.
*Эжди летьке компресст аш кода путнемс пилеть лангс сыяфты отитть, оцю температурать пингста и синь аш кода кирдемс пяле частта ламос. Эжди процедуранди, кда аш температура и сый, сяда пара нолдамс тевс коське лямботь: пси шувар или сал мархта котфонь кяскавнятнень.
*Пелькс путняфнемс пилетненди алоэнь, шурьхкянь, чесноконь ведь мархта апак шоряк сок. Синь аф ладяйхть пилеть навла оболочканцты. Кода антибиотикт синь лафчт, и оцю температурать пингста пилеть потмоса бактериятне ламолгодыхть курокста. Кда саде мяльс отитть пчкафтомс тяфтама сокса, эста шорясть синь дистиллированнай ведь или вай мархта (1:2), начфнеда эсост ватань тампотт, пуворясть и тонгондость пилети частс—тя инь ламось.