Ломаттне пильгсщамаснон каннесазь эрсь эсь лацонза. Кой-кинь ботинканза тапсевихть бокста, лиятнень—кочкяряста. Пильгсщаматнень коряс ули кода содамс, кодама урмат улихть.
Шовсеви алкссь? Тя корхтай сянь колга, што ломанць вельф оцю сталма тиенди ахиллово санть лангс. Туфталсь—аф лац кочкафт пильгсщаматне. Но сяда сидеста тя лисенди ласькондемать кельгиензон мархта. Мезьса тя пелькс? Ахиллово санть воспалениянц мархта.
Шовсеви стелькась потма ширде? Тя вастса пильгсщаматне шовсевихть, мзярда пильгсь пуворяви якамста. Кда аф шарфнемс мяль прябалать лангс, ули пелькс, што эвондай брахибазия—якамать колавомац, конань пингста ломанць якай нюрьхкяня аськолксса.
Пильгсщаматне шовсевихть лангста? Ули кода корхтамс пильге лапать форманц полафтоманц колга.
Шовсеви стелькась сурхнень ала? Сяда сидеста тя уленди ся аватнень, конат якайхть сери кочкяря лангса. Аф пяк удобнай туфлятне эвондафтыхть остеоартрит. Ортопеттне мярьгондихть каннемс 2,5-4 сантиметрань сереса кочкяря мархта пильгсщамат.
Шовсеви и потмонь (ингольце), и лангонь (кочкярять лангса) алксть краец? Тя корхтай сянь колга, што лангонь лангакссь шарфтови потму, алкссь—лангу. И тя вяти пильге лапань остеохондрозти и осложнениятненди.
Оцю сурть ала шовави стелькась? Тяфта уленди пяк тяйня пильгсщаматнень инкса. Сурхне «мадыхть» фкя-фкянь лангс, тяфта пильге лапась и карязсь полафтсазь формаснон. Шашфтф карязбакарти ули кода люпштамс нерватнень и эвондафтомс сярятьф желудкаса, пряса, седиса.
Э.ГОВОРКОВ,
врач-ортопед.