Шамасонт «тяштенят»?..

Шамаса шуваня сосудань якстерь котфкять (паутинка) лемнесазь куперозкс. Туфталкс тянди—киськонь капиллярхнень лафчашисна. Машфтомс сосудистай «тяштенятнень» лездыхть маскатне и компрессне.
*Петрушкаста. 1 стакан косьфтаф петрушкать лангс каяда 1 стакан лакай ведь. Кадость 20 минутас ащема, сяльде педясть, шовордасть лофца (1:1) мархта. Начфтода тя шоряфксса котф пакшкя, пувордасть и пяле частс путость шамати.
*Сянгяря чайста. Тяфтама маскась лезды нинге и келептьф поратнень и шинь пидевомать пингста. Шамати путода марля пакш, кона начфтф сянгяря лямбе чайса, кирдесть 10-20 минута. Сяльде вадесть шамать питательнай кремса.
*Бананаста, вайста и медьста. Сявода пяле банан, мелкайгофтость, каяда 1 чайнай куцюнянь оливковай (или иляназонь) вай и медь. Лацкас шовордасть, вадесть мархтонза шамать. 15 минутада меле штасть ведьса.
Куперозть пингста аф эрявихть тиендемс пси компресст, а стане жа механическяй скрапт и химическяй пилинкт. Ярхцседа С витаминца козя продуктада.