Кирьфтаф давлениять пингста ламонцнень шобдава шары прясна и эвондакшни лафчаши.
Штоба курокста самс эсезот
Инголенди аноклада расторопшань настойка. Косьфтаф тишеть шовасть (порошококс). Пяле стакан порошокть лангс каяда 1 литра водка, кадость ащема шобда вастса 2 недяляс, пингонь-пингонь блдорфнесть. Сяльде педясть, каясть лия сюлекас и симондеда 50 путерьксонь колмоксть шити, мзярда ярхцамати ляды 30 минута. А кда фалу ярхцсемс сельдереень свежай лопада и ункста, ули кода машфтомс хроническяй сиземать.
Тонафнеда лац-ряц стяшендома
Гипотонияса сярядихненди эряви лац-ряц стяшендомс васта лангста. Мзярда ломанць уды, версь кочксеви желудкать (максоть, сюлотнень, шячеть) видеса, и сон аф поступай пря уйти, Кда гипотониксь вишкста стяй васта лангста, сонь маштыхть ёженза. Сяс, сргоземок, аф ламос ащеда матфста. Васта лангса ащезь тиеда гимнастика (мянцесть пильге лапантень), сяльде аф лама пингс озада (тясть ноля алу пильгонтень). Пингонь ётазь стяда, нежедемок стулти, и ащеда мзярошка минута. Гипотониянь симптопне ётайхть физическяй упражненияда меле. Но гимнастикась тиендема аньцек озада.
Бутерброд мархта кофе
Кода правила, сембе гипотоникне касфнесазь давленияснон кофеть вельде (вачень пект). Но аф мярьгондеви симондемс кемоньда лама чашка. Ули кода симомс кофеда бутерброд мархта. Давлениять касфтсазь салу и ваи ярхцамбяльхне. Сырса аф лама вайда и салда. Сяс гипотоникненди чашка кофесь и сыр мархта 1-2 бутербродсь—эсь лацонь пчкафтомань процедура. Кой-кона гипотоникне шобдава ярхцсихть селёдка мархта бутербротта. Шиньберьф эряви лац-ряц ярхцсемс (аф ниледа кржаксть).
Кодама настойка рамамс
Прянь, седиень, эзнянь и пукшень сярятьфта врачне мярьгондихть симондемс «цитрамон» таблеткат (эсонза ули кофеин). Артериальнай давлениять касфтсазь розовай родилонь, китайскяй лимонниконь, женьшенень, аралиянь настойкатне. Сурбря тишеть (кона мялезонт) лангс каяда 100 грамма водка, кадость ащема шобда вастса 10 шис, пингонь-пингонь блдорфнемок. Сяльде педясть и симондеда 5-10 путерьксонь колмоксть шити, мзярда ярхцамати ляды 15-20 минута (кирьфтаф давлениять пингста). Пчксемань пингсь—20 ши. Ули кода рамамс анок настойкат аптекаста. Симондеда 5-10 путерьксонь кафксть-колмоксть шити.
Е.Седых,
терапевт,
II категориянь врач.