Сярядихть эзнянте? нолдасть тевс желатинть!

Желатинць—коллагенонь афкуксонь лихтибря. Сонь вельденза пакарьхне синдевомста и эсост лазфонь эвондамста педихть и пчкяйхть сяда курокста. Эзнятне арсихть сяда шумбракс, усковикс.
*Эзнятне ушедсть моцордома? Начфтода пси ведьса кафтонь-крда мянтьф марлянь салфетка, цють пувордасть. Марлянь слойхнень ёткс каяда 1 чайнай куцюня коське желатин. Путость марлять эзнять (сустав) лангс, вярьгак вельхтясть целлофанца и лямбе шарфса. Компрессть тиендесть венц лангс недяля.
*Штоба кемокстамс эзнятнень, 1 чайнай куцюня желатинть солафтость 160 миллилитра ведьса. Путость шоряфксть микроволновкав 45 секундас. Каяда лимононь аф лама сок и 1 чайнай куцюня офтоньбокорьксонь (шиповник) сироп. Путость холодильнику. 2-3 частонь ётазь желесь ули анок. Ярхцседа тяфтама десертта сяда сиденяста.
*Эзнятнень эса сярятьфта. Солафтода 2 чайнай куцюнят желатин 2/3 стакан лямбе лофцса. Каяда 2 столовай куцюфт медь и кадость частс ащема. Эждесть шоряфксть ёмла тол лангса, мзярс желатинць марнек аф солай. Тясть лакафта. Эшентьфтесть и путость холодильнику, мзярс марнек аф шуфтоми. Танцти тяфтама лекарствада ярхцседа кафксть-колмоксть недяляти.
Содасть! Желатинть аш кода нолямс тевс верть тустокс араманц, тромбофлебитть, пичемарьхнень эса или сяпонь уфамса кевнятнень, седиень и сосудань урматнень пингста. Желатинца пчкафнемста кой-коста эвондакшни стакаста ушу якама. Сяс желатин мархта ярхцамбяльда башка рационозонт сувафнесть ся продуктатнень, конат цебярьгофнесазь сюлотнень работаснон и конатнень ули слабительнай вийсна, кепотьксонди, коське фруктатнень.
А.СУРИКОВ,
врач-ревматолог.