Якстерь тюсонь пчкафтомбяль

Улема, сембе шарфнихть мяль пизелть якстерь иможензон лангс. Кярьмасне крьвязсть ошсовок, но кочксемс синь эрявихть аф ульцяста, сяс мес синь арсихть кой-конашкада ядовитайкс транспортть инкса. Сашендови инксост якамс ошть эзда шири или вири. Но результатсь тянь эзда кеняртьфти, сяс мес ня имошне—пяк цебярь витаминнай средства, и кенерькшнихть синь самай эста, мзярда кемокстама иммунитетть тялоти анокламста. Сиват курмоськя—витамиттнень шинь нормасна ули ни.
Пизелсь пчкафтсы и малокровиять, и веронь шудемать… Виде, сонь аш кода нолдамс тевс верть тустокс улеманц пингста.
Пизелсь максонь урматнень пчкафтомаснон и инголдамаснон коряс цебярь средства. Имошне паньцазь сяпть.
2 столовай куцюфт якстерь пизелть лангс каямс 0,5 литра лакай ведь. Кадомс ащема, мзярс аф кельми. Симондемс пяле стаканонь нилексть-ветексть шити.
Кода и шапама-ламбама лия плоттне, пизелхне козят пектинца, конань вельде лац работайхть сюлотне. Пектиттне машфтсазь углеводнай якамать, сяс гасне эвондайхть аф сяшкава пяк. Самай пектиттнень вельде лисендихть танцти вареният, пастилат, мармелатт и джепт пизелста.
Эфирнай вайхне максыхть пизелонь имошненди танцти шине. Банясовок ули кода парьсемс пизелксонь тяльмоса, кона хуш кодама инфекциять организмаста паньцы.