Ярхцседа хурмада

♦Анемиять пингста симондеда эрь шиня хурмань ляпста и апельсинонь сокста тиф коктейль (1:1).
♦Тинь пекурма? Кота аф кенерьф хурматнень керсесть пакшкянь. Каяда лангозост 1 литра лакай ведь, кадость пяле частс ащема, педясть. Симондеда 1/2 стаканонь эрь 2 частста.
♦Тевлафнень воспаленияснон пингста. Шорясть 2 столовай куцюфт хурмань рястаф мелкайгофтф товнят колма плодонь ляпть мархта. Сивондеда 1 столовай куцювонь шобдава вачень пект, сяда тов симода рюмка якстерь лямбе вина.
♦Сярятькстоде ангинаса? Фкя хурмань сокть шорясть 1/4 стакан лакафтф лямбе ведь мархта. Оргалясть кргапарть колмоксть-нилексть шити.
♦Сыияфты ранатнень, копнень, панарициять пингста. сяряди вастти путода хурмань ляпе кедь и кемокстасть бинтса. Сотксть полафнесть кафксть шити.
♦Эвондакшнихть таргозьф вастт? Сивондеда нилень хурма шити, ётковаст симондеда 100 грамма пси лофца. Тя пингть эряви пяк кржа ярхцамс. Пчкафтоманди ладяй свежай или косьфтаф хурмась.
♦Давлениять валхтоманкса. кенерьф хурмать ваткасть и мелкайгофтость блендерса. Каяда 1 столовай куцю медь и 2-3 путерькс лимононь сок. Тяфтама коктейльда симондема ярхцамда меле 30-40 минутань ётазь. Тя цебярьгофтсы седить и сосудатнень работаснон.