Ётафтовсь антикризиснай штабть и ковидть инголдаманц коряс оперативнай штабть марстонь заседаниясна

МР-нь Оцюнясь Артём Здунов 21 июльста ётафтозе экономикать ширень кирдеманц и кемошинц ванфтоманц коряс антикризиснай штабть, а стане жа коронавируснай инфекциять инголяманц и келемоманцты кить персеманц коряс оперативнай штабть марстонь заседанияснон.

Республикань Оцюнясь лятфтазе, што 20 июльста Россиянь Правительствать заседанияса премьер-министрсь Михаил Мишустин шарфтсь башка мяль сянь лангс, штоба Российскяй Федерациянь Президентть сембе указаниянза пяшкотькшневольхть эсь пингстонза и марнек, тянь эзда ащи минь странаньконь и ломаненьконь цебярь эряфсна. «Мярьгондян министронь региональнай кабинетти нинге весть ваномс Российскяй Федерациянь Президентть и Правительствать сембе поручениянзон пяшкотькшнемаснон азф пингснон. Дисциплинась улеза васенце вастса»,—азозе Артём Здунов.
Тяфта жа Мордовиянь Оцюнясь мярьгсь, што странань Правительствась ванозень законодательствати полафткснень, конат сяда лац ладясазь тядянь капиталть тевс ноляманц. Кармай сяда тёждя сонь нолямс тевс иттнень тонафнемаснонды. Тянкса сяда келептевсть Пенсионнай фондть и тонафнемань заведениятнень, ведомстватнень ёткса тевонь вятематне.
Республиканьконди нинге фкя важнай решениясь, конань примазе Россиянь Правительствась—колма региоттненди, синь лувкссост Мордовиясь, нолдаф ярмак гидротехническяй сооружениятнень капитальнайста петемаснонды.
МР-нь строительствань и архитектурань министрсь Алексей Гришакин азондсь регионца ламос строяви объекттнень мархта сотф тефнень колга. Мордовияса тяфтама объектта—1347, теест нолдаф 15 миллиард цалковай.
19 июльста сувась вийс капитальнайста строяви апак аделак объекттнень федеральнай реестрса вятемаснон колга Правительствать постановленияц. Тя ширеть коряс арьсекшневи нолямс эрь кизоня 50 миллиард цалковай.
МР-нь экономикань, торговлянь и предпринимательствань министрть васенце заместителец Иван Горин азондозе республикань руководительти, кода ётафневихть эряфс республикаса федеральнай ширень кирдемань мератне, а стане жа пачфтсь 2026 кизоти молемс Мордовиять социально-экономическяй виияфтомань программанцты полафтксонь анокламать колга.
«Программать марстонь питнец ульсь 5 миллиартт 615 миллион цалковай, конатнень эзда 5 миллиарттне—федеральнай бюджетста,—лятфтазе сон.—Тяни программати сувафтфт 6 инфраструктурнай объектт, программать финансированияц касфтовсь 2 миллиартт 99 миллион цалковайда, тяконь лувксса 2022 кизоня—1 миллиард 168 миллион цалковайда, 2023 кизоня—930 миллионда лама цалковайда».
Оперштабть марстонь заседанияса республикань Оцюнясь башка лоткась ковидть од пельксонь кандоманц лангс. «Малаткшни сёксень-тялонь пингсь, сембе мяляфтсаськ, кода ульсь ётай кизотнень, самай тя пингть вихонзакшни ковидса урмаськодомась,—мярьгсь Артём Здунов.—Миньцонк ули сатомшка вакцина, сяс ломаттнень иммунизацияснонды эряви шарфтомс башка оцю мяль».
Вице-премьерсь Галина Лотванова азозе, што республикаса коллективнай иммунитетсь кири. А коронавирусонь од штаммсь якай ни мирть келес. Россияса сярядихнень лувкссна кассь: 11 июльста ульсь 3000 ломань, 20 июльста—5685 сяряди. Москуса муфт «кентавр» од штаммса сярятькстомань 5 од случайхть. Тя штаммсь пяк заразнай. Кда аф примамс дополнительнай оперативнай мерат, сярятькстыхнень лувкссна касы ни августста-сентябрьста»,—мярьгсь сон.
Сявомок мяльс вяре азфть, рисконь группань ломаттненди эряви каннемс маскат общественнай васттнень эса. Муниципальнай образованиянь оцюнятненди башка мяль шарфнема транспортть и кудонь подъезттнень дезинфекцияснон лангс. Пчкафтомань и социальнай учреждениятнень эса путф задача—тя недялять пациенттненди эряви каннемс маскат, тиендемс дезинфекция кядьснонды и мерсемс температураснон.
Республикань здравоохранениянь министрсь Олег Маркин азозе, кле, сявондемок мяльс экономикаса тефнень, тюремс ковидть од волнанц мархта кармай сядонга стака. Эсь пингстонь вакцинациясь—главнай аралайсь. Тяни странасонк ноляви аньцек «Спутник V» вакцинась.
«Тефнень эрявихть полафтомс, сяс мес сембе, афкукс, лафчемоме. Вакцинациянь темпнень эрявихть касфтомс»,—мярьгсь республикань Оцюнясь.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...