Артём Здунов: «Минценнетнень аф кадондсаськ!»

7 октябрьста Саранскяйса Владимир Чибиркинонь председательстванц ала ётафтовсь МР-нь сисемце созывонь Госсобраниять кеветиеце сессияц. Сонь работасонза примась участия Мордовиянь Оцюнясь Артём Здунов.

Ванондовсь 16 кизефкс. Сувафтфт «О республиканском бюджете Республики Мордовия на 2022 год и плановый период 2023 и 2024 годов» МР-нь Законти полафткст. Республиканскяй бюджетть доходнай пяльксоц касфтовсь налоговай и аф налоговай дохоттнень вельде 1,265 миллиард цалковайда. Дополнительнай поступлениятне нолдавихть государственнай и мунициипальнай учреждениянь работникненди трудонкса пандоманди, социальнай ширень кирдемань мератненди, сёксень-тялонь пингти учреждениятнень анокламаснонды, жилищно-коммунальнай хозяйствать одкстопнеманцты, ошень транспортса льготнай питнеса ардомать обеспечендаманцты. Тяда башка, касфтовихть национальнай проекттнень эряфс ётафтоманкса, кредиторскяй шумотнень пандоманкса, медикаментонь рамаманкса карьхцне.
Азфоль, што 2022 кизонь 1 октябрти республиканскяй бюджетть налоговай и аф налоговай доходонза касфтовсть 18 процентта.
Сувафтфт полафткст Мордовия Республикань башка закоттненди. Модать мархта сотф тевонь вятемань сфераса 50 миллион цалковайста сявомок 25 миллион цалковайти молемс кирьфтаф аф бюджетнай средствань вложениятнень марстонь объёмсна инвестиционнай проекттненди, конат ётафневихть эряфс государственнай или муниципальнай собственностьса ащи модань участкатнень лангса. Тянь вельде инвесторхненди ули кода кемокстамс торгфтома проектть эряфс ётафтоманкса эрявикс модань участкать сиводеманкса договорть.
Сувафтфт «О наделении органов местного самоуправления государственными полномочиями по поддержке сельскохозяйственного производства» Мордовия Республикань Законти полафткст. Полафтови субвенциятнень, конат макссевихть местнай бюджеттненди республиканскяй бюджетть эзда аграрнай стипендиянь и од специалисттненди заработнай платаснонды доплатонь пандоманкса, лувксснон лувоманкса методикась.
«О контрольных полномочиях Государственного Собрания Республики Мордовия» Мордовия Республикань Законць тиф «Об общих принципах организации публичной власти в субъектах Российской Федерации» Федеральнай законть лаца и эзонза сувафтфт республиканскяй бюджетть, Мордовия Республикань бюджетнай территориальнай государственнай аф бюджетнай фонттнень пяшкотькшнемаснон мельге контрольть коряс Государственнай Собраниять полномочиянза.
Стане жа МР-нь Госсобраниять кеветиеце сессиясонза примаф решения пингта инголе лоткафтомс МР-нь сисемце созывонь Госсобраниянь депутатть Владимир Грибановонь полномочиянзон, тянь коряс сонь заявлениянц мяльс сявозь.
Сессиять пингста ванфоль Мордовия Республикаса ломанть праванзон коряс Уполномоченнайть Валерий Левинонь од пингонди кочкаманц колга кизефкссь. Сембе депутаттне максозь вайгяльснон сонь кандидатуранц инкса.
Полномочиянь пингонь апак ладяк кочкафт Саранскяень Пролетарскяй райононь, Большеберезниковскяй, Зубово-Полянскяй и Ромодановскяй райононь судебнай участкань мировой судьят.
Сессиять пингста депутаттненди пшкядсь республикань Оцюнясь Артём Здунов. Сон шарфтсь мяль частичнай мобилизациянь ётафтомань кизефкснень лангс, башка лоткась тя пингть граждаттнень пшкядемаснон мархта сембе ширдень работать важнайшинц лангс и макссь порученият ладямс сотрудничендамань соткст Россиянь од региоттнень мархта.
Мордовиянь Оцюнясь лятфтазе, што Госдумась примазень Россиять составс ниле од территориятнень фкя мяльса. Артём Здунов макссь поручения депутаттненди анокламс од субъекттнень мархта промышленностьса и велень хозяйстваса сотрудничендамать коряс предложеният.
Тяфтама жа поручения максф Мордовиянь Правительствати, конанди лац-ряц ванома од условияса республиканскяй предприятиятнень работаснон мельге. Примаф решения тиемс регионца башка экономическяй зона. Сон эряви инвесторхнень серьгядеманкса.
Стане жа Артём Здунов шарфтсь мяль законодательствать, кона сотф боевой действиянь ветеранонь статусть мархта, цебярьгофнеманцты.
«Военнослужащайхнень мрдамозост тейнек эряви шарьхкодемс, кода и мезьса кирдемс ширеснон. Минь боецоньконди аф эряви пичедемс сай пингснон, радня и мала ломаньцнон инкса. Райононь эрь оцюняти эряви содамс, кие тусь синьцтост служама, кода ащихть тефне солдатть семьяса. Тянь тевса лезнема депутаттнендивок. Кивок аф кадома ськамонза эсь прябаланц мархта. Минценнетнень аф кадондсаськ!»—мярьгсь Мордовиянь Оцюнясь.
О.ЕВДОКИМОВА.

Последние новости

Саранск встретил март «Весенней ярмаркой подарков» 

1 марта в столице региона, при поддержке Министерства экономики,...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение»...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29...

Благоустройство Дубенского района Мордовии

Центральная площадь вс. Дубенки, 2 общественные территории в с....

Президентть Посланияста

 Башка мяль Владимир Путин эсь Посланиясонза шарфтсь образованиять качестванцты....

Саранск встретил март «Весенней ярмаркой подарков» 

1 марта в столице региона, при поддержке Министерства экономики, торговли и предпринимательства Республики Мордовия и регионального Центра «Мой бизнес» открылась «Весенняя ярмарка подарков». Традиционно...

В Региональный сосудистый центр №2 поступает новое современное оборудование

Региональный проект «Борьба с сердечно-сосудистыми заболеваниями» национального проекта «Здравоохранение» предусматривает профилактику развития данного диагноза у пациентов с высоким сердечным риском. Для достижения этой цели...

ПОСЛАНИЕ ПРЕЗИДЕНТА

Инициативы Президента Владимира Путина по итогам послания Федеральному Собранию  29 февраля 2024 года Послание Президента – это, по сути, программа развития страны, образ будущего, который выходит...