Мордовиянь и Санкт-Петербургонь законодательхне кемокснесазь сотксснон

Мордовиянь Госсобраниянь делегациясь ульсь Россиять Севернай столицасонза, коса подписандафоль Санкт-Петербургонь Заксобраниять мархта межпарламентскяй сотрудничендамать колга Соглашения. Церемониясь ётафтовсь Мариинскяй дворецса. Мордовиянь делегацияти руководителькс ульсь Госсобраниять Председателец Владимир Чибиркин.
Ширетне састь мяльс кемокстамс законотворчествань сфераса соткснень, лезнемс кафцьке региоттнень эса наукать, промышленностть, образованиять и туризмать виияфнемаса, тиендемс содафокс культурнай проекттнень и патриотическяй мероприятиятнень.
Владимир Чибиркин шарфтсь мяль сянди, што тячи, мзярда эрятама санкциянь условияса и мольфтеви специальнай военнай операциясь, законодательхненди кода аш мзярдовок эряви вятемс марстонь работа. «Эряви полафнемс военнослужащайхненди и лиятненди лезнемань опытса»,—китькстазе Мордовиянь Госсобраниять Председателец.
Деловой визитть пингста республикань представительхне мольфтсть корхтама Санкт-Петербургонь законодательхнень мархта школьнай питаниять ладяманц колга. Ульсть васедемат «Шумбрат» Санкт-Петербургса и Ленинградскяй областьса мокшэрзянь культурать ширенц кирнемань и виияфнемань фондть представителензон, а стане жа Севернай столицань Заксобраниять видеса Од ломанень парламентонь кураторхнень мархта.