29 июньцта Саранскяйса ётафтовсь Мордовия Республикань сисемце созывонь Государственнай Собраниять кемгафтувоце сессияц. Депутаттнень мархта сессияса тяфта жа работасть Мордовия Республикань Оцюнясь А.А.Здунов, МР-нь Правительствать Председателец В.Н.Сидоров, Мордовиять эзга Главнай федеральнай инспекторсь М.С.Сезганов и государственнай исполнительнай властень лия представительхне.
Сессияса ванондовсь 14 кизефкс. Депутаттне федеральнай законодательствать вешфксонзон коряс, сувафтсть эрявикс полафткст «Мордовия Республикать территорияса административнай ответственностть колга», «Мордовия Республикань референдумть колга», «Велень хозяйствань производствать кирдеманкса местнай самоуправлениянь оргаттненди государственнай полномочиянь максомать колга», «Мордовия Республикань Оцюнянь кочкаматнень колга» и Мордовия Республикань лия Закоттненди.
Сяльде сессияса пингта инголе депутаттне лоткафтозь Юрий Левашкинонь Мордовия Республикань Государственнай Собраниянь депутатонь полномочиянзон и путсть мировой од судьят Саранск ошень Октябрьскяй райононь и Старошайговскяй, Ельниковскяй муниципальнай райононь судонь участкатненди.
Тяда башка, сессиянь фкя кизефксть ваномста Мордовия Республикань Оцюнясь А.А.Здунов мярьгсь республикань прокурорть тевонзон тиендиснонды А.С.Ивановонди Российскяй Федерациянь руководствать поручениянзон пяшкодемста башка мяль шарфнемс республикань социально-экономическяй, государственнай финансонь и имущественнай сфератнень эса порядкань ладямати.
В.Нестеров.