Парламентскяй васедемат

2 декабрьста Саранскяйса Мордовия Республикань Государственнай Собранияса ётафтовсь Роштувань парламентскяй васедематнень Пленарнай заседаниясна. Пуромкссь ульсь «Глобальные вызовы современности и духовный выбор человека» Роштувань XXXI Международнай образовательнай лувоматнень региональнай этапснон мяльса кирдезь.

Пленарнай заседаниянь сопредседателькс ульсть Мордовия Республикань Государственнай Собраниять Председателец В.В.Чибиркин, Саранскяй и Мордовскяй митрополитсь Высокопреосвященнайсь Зиновий.
Участия примасть республикань Госсобраниянь депутаттне, республикань Госсобраниять видеса Од ломанень общественнай палатань (Од ломанень парламентть), Госсобраниять видеса Общественнай советонь члеттне, Роштувань образовательнай лувоматнень участниксна, Саранск ошень 9№,12№, 39№, 43№ школатнень эса тонафнихне, «Святой благоверный великий князь Александр Невский—Слава, Дух и Имя России» республиканскяй конкурсонь сяськихне и лауреаттне.
Заседаниять панжемста В.В.Чибиркин азозе, што Мордовияти Роштувань парламентскяй васедематнень ётафтомасна арась цебярь койкс.
Республикань Госсобраниять Председателец башка мяль шарфтсь тяниень пингть глобальнай прябалатнень: российскяй народти ширдень мяльхнень и питнишитнень вихца эцемаснон, патриотизмань идеалхнень, Отечествати служамать, кеме семьять, рьвя-ямать вийснон, Россиять мировой историяти и культурати цебярь путксонц аф няемаснон лангс.
«Ответоньке внешняй эвфнемтнень лангс тёждя: тяниень пингонь глобальнай прябалатне юмафтсазь эсь вийснон, кда обществась каршезост ащи верать, национальнай мяльхнень-арьсематнень и моральнай кеме нежетнень мархта. «Минценнетнень аф кадондсаськ» национальнай лозунгоньке афкукс ащи эрь россиянинть седиса»,—мярьгсь сон.
Сяда тов приветствиянь валхт азсь Саранскяй и Мордовскяй митрополитсь Зиновий. Сон мярьгсь, што од ломаттнень воспитандамаса башка васта занци православиясь.
Пуромксса тифтольхть выступленият, казьфтольхть «Святой благоверный великий князь Александр Невский—Слава, Дух и Имя России» республиканскяй конкурсонь сяськихне и лауреаттне.
Пленарнай заседаниять шумордамста В.В.Чибиркин казезень республикань Госсобраниять Председателенц Благодарностенц мархта Роштувань парламентскяй васедематнень кой-кона участникснон.
Т.Альшина.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...