Школаса тонафнихне ульсть Мордовиянь госсобранияса

Мордовиянь Конституциянь шинь каршеня МР-нь Государственнай Собранияса ульсть 12№ гимназиянь РФ-нь Следственнай Комитетонь кадетскяй классонь оцю класса тонафнихне.
Экскурсиясь ушедсь музейса, коса иттненди азондсть республикаса парламентаризмать виияманц, властень законодательнай органть деятельностенц и структуранц, Од ломанень парламентть и Од политиконь школать колга.
Сяльде кадеттне васетькшнесть МР-нь Государственнай Собраниянь Председательть заместителенц Сергей Вдовинонь мархта. Сон азондсь Конституциять тиевомань историянц колга, сянь квалма, мзярда ульсь МР-нь Госсобраниять васенце заседанияц.
Сон отмечазе тя событиять эрявиксшинц и поздравляндазень кадеттнень МР-нь Государственнай Собраниянь Председательть Владимир Чибиркинонь лемста, арьсемок тонафнемаса сатфкст, кемама вандыень шити. Школаса тонафнихне макссесть кизефкст.