Ушедсь «Од политиконь школа» проектсь

25 октябрьста Саранскяйса, Мордовия Республикань Государственнай Собраниять оцю залсонза, ётафтовсь пуромкс, кона лемтьфоль «Од политиконь школа» проектть ушедоманцты. Тя школась—«Единай Россиять Молодой Гвардиянц» проектоц.
Пуромфненди приветствиянь вал азсь Мордовия Республикань Оцюнясь, «Единая Россия» партиять Мордовскяй региональнай отделениянц Секретарец Артём Здунов.
Артём Алексеевичень валонзон коряс, сембе шарьхкодьсаськ: ётай 10-20 киза и тячиень од ломаттне сайхть властти. Российскяй Федерациянь Президентсь Владимир Путин мярьгсь, што од ломанень политикась—тя стратегическяй пяк эрявикс шире государствати. Од политиконь школать вельде стирьхненди и цёратненди ули кода ётафтомс эряфс эсь мяльснон-арьсемаснон. Тяконь лувксса и грантовай конкурснень вельде.
Сяда тов од ломаттнень инголе корхтась Мордовия Республикань Государственнай Собраниять Председателец, «Единая Россия» партиять Мордовскяй региональнай отделениянц Секретаренц васенце заместителец Владимир Чибиркин.
Владимир Васильевич надияфтсь, што проектть аноклаенза тисазь семботь, штоба од политиконь школась улель мялень салай, козя пуромксса.
Тя шиня «Од политиконь школа» проектть колга азондсь «Единай Россиять Молодой Гвардиянц» Мордовскяй региональнай отделениянц Региональнай штабонц руководителец Данил Ульянов.
Республикань Государственнай Собраниянь депутатсь, Госсобраниять видеса Од ломанень парламентть Председателец Виктория Богдашкина пачфтсь Од ломанень парламентть членонзон од политиконь школаса участиянь примамаснон колга.
Ванфтольхть и лия кизефкст.
Татьяна Владимирова.