Мордовиянь Госсобраниять видеса Общественнай советонь члеттне Старошайговскяй районть примерса тонафнезь, кода ётафневихть эряфс велень территориятнень комплекснайста виияфтомаснон коряс мероприятиятне.
Новотроицкяйса и Богдановкаса ульсть агрофирматнень эса, конат аф аньцек лац-ряц вятьсазь производстваснон, но и нолясазь тевс эсь средстваснон велетнень инфраструктураснон петеманкса-мазоптоманкса, тяконь лувксса эряма вастонь строяманкса. Предприятиятнень руководительсна Владимир Руженков и Степан Якомаскин советонь члеттнень мархта корхтафтозь социальнай проекттнень эряфс ётафтомаснон. Тяфтама жа корхтама ульсь «Старошайговагропромснаб» АО-ть директоронц Анатолий Фроловонь мархта.
Оцю возможностть максси «Комплексное развитие сельских территорий» госпрограммась. Сонь результатонзон эзда фкясь—Сире Шайгавса тяниень пингонь Культурань центрась. Общественнай советонь члеттне марса райононь оцюнять Геннадий Мухинонь мархта содафтсть творческяй студиятнень работаснон мархта. Сире Теризморгаса ётафтфоль Мордовия Республикань Госсобраниять Председателенц Владимир Чибиркинонь участиянц мархта Общественнай советть заседанияц.
Заседаниянь участникне корхтафтозь велети инь эрявикс кизефкснень, тяконь лувксса агропредприятиятнень кадраса обеспечендамасна.