30 майста Владимир Чибиркинонь председательстванц ала ётафтовсь Мордовия Республикань сисемце созывонь Государственнай Собраниять комсь нилеце сессияц. Заседанияса примасть участия Мордовиянь Оцюнясь Артём Здунов, региональнай правительствань члеттне, властень исполнительнай органонь, МР-нь Счётнай палатань, прокуратурань, местнай самоуправлениянь органонь представительхне. Сембоц ванфоль 13 кизефкс.
Сессияса примаф «Об исполнении республиканского бюджета Республики Мордовия за 2022 год» Законць. Няеви налоговай и аф налоговай поступлениятнень касомасна, касфтф федеральнай центрать ширень кирдемац—Мордовиять государственнай шумоц васенцеда 10 кизотнень арась 100 процентта ёмла бюджетть налоговай и аф налоговай доходонц эзда. Тяда башка, бизнесть инголе ашесть ляда шумот региононь бюджетть ширде.
«Эсь доходоньке кассть 15 процентта. Тя оцю работа. И пяк важна, што республикать лангста валхтфт бюджетнай сембе ограничениятне»,—мярьгсь МР-нь Госсобраниять Председателец Владимир Чибиркин. Сувафтовихть «О республиканском бюджете Республики Мордовия на 2023 год и на плановый период 2024 и 2025 годов» Законти полафткст.
Мордовия Республикань прокурорсь Сергей Лапин содафтозень наставничествать колга законопроектть мархта—виияфтомс региональнай законодательствать сфераса аф совершеннолетняйхнень праваснон колсемаснон и мельгаст ваномаснон профилактикаснон.
Мордовиянь Госсобраниять видеса Од ломанень парламентть мярьгоманц коряс примаф «Об увековечении памяти лиц, имеющих выдающиеся достижения и (или) особые заслуги перед Республикой Мордовия» Законць.