Антикризиснай штабть заседанияста

Мордовиянь Оцюнясь Артём Здунов 17 августста ётафтозе республикань экономикать ширенц кирдеманц и кемошинц коряс антикризиснай штабть заседаниянц. Эрь кодама отрасляса ситуациять колга корхтамста ванфтольхть и бизнесть ширенц кирдемань мератнень, и республиканскяй предприятиятнень мощностьснон пяшкотькшнемаснон мархта сотф кизефксне.

Мордовиянь Экономикань, торговлянь и предпринимательствань министерствать пачфтеманц коряс, касонды Предпринимательствать ширенц кирдемань фондть вельде касы кирьфтаф процентнай ставкас коре льготнай микрозаймань получайхнень лувкссна. Тяда башка, кода пачфтезе министрть аф лама пингс тевонзон тиендисна Иван Горин, кафта ковда меле, республикать социально-экономическяй виияфнемань индивидуальнай программати полафтксонь сувафтомда меле, учендови МР-нь промышленностть виияфнемань фондонц 420 миллион цалковайда касфтомац. Стане жа касфтови республикань Ёмла и средняй предпринимательствань фондсь. Тя лезды максомс ширень кирдемань дополнительнай мерат бизнести.
Промышленностень сфераса башка контроль ала ащихть системообразующай предприятиятне, коса кирьфневи производственнай мощносттнень пяшкотькшнемасна. Мордовиянь Оцюнясь шарфтозе профильнай министерстватнень мяльснон сянь лангс, штоба мумс кит-ятт ня предприятиятнень ширеснон кирдеманкса. Тяконь лувксса тя од оборудованиянь рамаманкса карьхцнень пяльксснон мрдафтоманкса субсидиянь максомась, коммерческяй кредиттнень коряс пантф проценттнень пандоманкса грантонь, аф лама пингонь работама вастонь тиеманкса субсидиянь максомась, работникнень, конатненди ули пелькс лядомс работафтома, одукс тонафнемасна.
«Предприятиятнень мархта, конатнень кирьфневи мощностьснон пяшкотькшнемасна, эряви работамс сяда лац!»— азозе Артём Здунов.
Стане жа антикризиснай штабть заседанияса корхтафоль сёксень-тялонь пингти жилищно-коммунальнай хозяйствань предприятиятнень анокламаснон колга.

***

Сяка жа шиня Мордовиянь Оцюнясь Артём Здунов ётафтозе коронавируснай инфекциять инголдаманц и келемоманцты кить персеманц коряс региональнай оперативнай штабть заседаниянц. Азфоль, што регионца сярядихнень мархта ситуациясь стакалготкшни. Фкя шиста сярятькстсь 90 ломань, недяляста урмаськотфнень лувкссна кассь 58 процентта.
Республикань Здравоохранениянь министерствать пачфтеманц коряс, касонды врачнень куду тернемаснон лувкссна, пчксемань учреждениятнень эса панчсевихть дополнительнай ковиднай койка-вастт. Сембось тя, кода азозе министрсь Олег Маркин, канни оцю стакат-сталмот медицинскяй работникнень лангс.
Республикань Оцюнясь мярьгсь: сярядемань од волнати анокламанкса, эксперттнень мяльснон коряс, лядонды нинге фкя ков. Тя пингста важна сатомшка лац ётафтомс вакцинациять и ревакцинациять. Мекольдень кафта недялятнень тя работась виияфтовсь, но коллективнай иммунитетсь коль кири. Тя корхтай сянь колга, што вакцинациянь темпне эрявихть касфнемс. Стане жа ушедовсь гриппть каршес иммунизациясь—республикаса прививкат тифт 23 тёжяньда лама ломанти.

Последние новости

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по...

В Мордовии завершается строительство дома-интерната для престарелых и инвалидов

В Ичалковском районе завершается большая стройка. В рамках федерального...

Мазыхть мокшень стиреньке

Бта нинге аф кунара, мелять песта, «Мокшень правдась» тись...

Родькиттнень семьясна сувась сяськихнень лувксс

Аф кунара Москуса «Россия» Международнай выставкать видеса ётафтовсь «Родные—Любимые»...

Ётась эряфонь кувака ки

Мокшень писательсь Тимофей Андреевич Кирдяшкин сась мокшэрзянь литературав 1950...

РОССИЯНЬ ВОИНСКЯЙ СЛАВАНЬ ШИСЬ

23 февральсь—Отечествань Аралаень шись. 1918 кизоня тифоль Рабоче-Крестьянскяй Якстерь Армиясь.1993 кизонь 8 февральста Российскяй Федерациянь Верховнай Советть Президиумоц примась «Российскяй Федерациянь знаменательнай шить—Отечествань Аралайхнень...

Команда проекта #ПатриотКрафт из Мордовии провела мастер-класс по разработке сценариев патриотических игр в Мытищах Московской области

19 февраля в г. Мытищи Московской области на площадке АНОО «Ломоносовская школа-Зеленый мыс» прошел очередной мастер-класс по разработке сценариев патриотических игр, организованный командой грантового...

Госкомпании увеличили закупки у малого бизнеса Мордовии почти на треть

Общероссийский объём закупок крупнейших заказчиков у субъектов МСП по итогам 2023 года вырос до рекордных 8 трлн рублей. Благодаря национальному проекту «Малое и среднее...