Кефкиеце августста Саранскяйса ётафтовсь сисемце созывонь Мордовия Республикань Государственнай Собраниять 51 сессияц. Эсонза главнай кизефксокс ульсь Батыр Эмеевонь Мордовия Республикань Правительствань Председателькс кандидатуранц согласованияц. Государственнай Собраниянь депутаттне састь фкя мяльс—максомс эсь вайгяльснон Батыр Эмеевонь инкса.
Батыр Эмеев шачсь и кассь Дагестан Республикань Кизилюрт ошса. Аделазе Российскяй народонь ялгаксшинь университетть «Мировая экономика» и «Юриспруденция» специальносттнень коряс. Покодсь Российскяй Федерациянь Экономическяй развитиянь и торговлянь министерствань макроэкономическяй прогнозированиянь Департаментса. Ульсь промышленнай предприятиянь финансовай директоркс.
Трудендась Дагестан Республикань Промышленностень и энергетикань министерстваса, ульсь министрти заместителькс. Меле работась Дагестан Республикань Правительствань Председательти васенце заместителькс.
Мордовия Республикаса поладозе эсь тевонц МР-нь Правительствань Председателень заместителень должностьса. Лама пинге тиендезень Правительствань Председательть тевонзон. Батыр Эмеевонди—41 киза. Рьвяяф. Касфты ниле итть.
Тяка жа шиня Мордовия Республикань Оцюнясь Артём Здунов сёрмадсь Батыр Эмеевонь МР-нь Правительствань Председателькс путоманц колга Указ.