Догазификациять коряс Мордовиясь инголи молихнень ёткса

Мордовиясь—социальнай газификациять коряс странаса инголи молихнень ёткса. Догазификациянь программать итогонзон колга корхтафоль 12 январьста совещанияса, кона ётафтовсь «Единая Россия» партиять руководителенц Дмитрий Медведевонь председательстванц ала. Сон отмечазе, што Россияса газовай инфраструктурань строямань темпне колмонь-крда сяда оцюфт 2021 кизоть коряс, социальнай газификациянь программась фкя инь вешевись странань сембе региоттнень эса.

«Тяда меле, кода сон получазе и партийнаень, и государственнаень статусть, темпонза ламода кассть. Главнайсь тяни—сатомс сянь, штоба тёжятть и тёжятть домохозяйствати улель кода нолдамс газификациянь возможностть кода можна сяда курокста. Эряви келептемс программать странань од региоттнень эсовок»,—мярьгсь Дмитрий Медведев.
Лятфтасаськ, 2021 кизоня Россиянь Президентсь Владимир Путин кемокстась «Единая Россия» фракциять петьксонзон мархта участкатненди питнефтома газть пачфтеманц колга закон. Социальнай газификациянди заявка ули кода максомс «Госуслуги» порталса и МФЦ-нь отделениятнень вельде, «Газпром межрегионгазть» абонентскяй пунктонзон и газификациянь операторхнень сайтснон вельде.
Россиянь Президентть поручениянц инкса региоттнень эса отвечайхть оцюнятне, конат вятьсазь газификациять коряс штапнень.
Тяни кой-кона льготникне 72 регионца партиять лезксонц вельде получсихть скидка или компенсация газовай оборудованиять рамамста и кудти газопроводть пачфтемста. Тяфтама льгота 2022 кизонь ноябрьста сявомок ули Мордовиясовок.
Догазификациянь программать эряфс ётафнеманц коряс опытснон колга азондсть кой-кона региоттнень оцюнясна, тяконь лувксса Мордовиянь руководительсь. Артём Здунов азозе, што 2021 кизоста сявомок республикаса работай газификациять коряс единай региональнай штаб. Эзонза сувсихть Росреестрань, Имущественнай и земельнай отношениянь министерствань представительхне.
4 тёжяньда лама заявкась примафт работас. 3651 заявкать коряс газовай коммуникациятне пачфтьфт модань участкатнень границазост, 2681 домовладенияти газсь поступась ни. Россиянь Правительствать видеса Аналитическяй центрать рейтингонц коряс Мордовиясь газификациять показателензон пяшкотькшнемаснон коряс сувси колма инь цебярь региоттнень ёткс. А газификациянь марстонь уровенть коряс—инголи моли кемонь региоттнень лувксс.
Мордовиять территорияса работай газификациянь единай оператор и фкя газораспределительнай станция. Догазификациянди заявкатнень примамасна мольфтеви газораспределительнай организациять 8 филиалонзон эса и МФЦ-нь 23 офисса. Тяда башка, заявкань примаманкса сотрудникне улендихть велетнень эса. Дмитрий Медведевонь поручениянц коряс регионца работай социальнай газификациять коряс консультативнай центра.
Мордовиянь Оцюнясь китькстазе, што республикаса программать эряфс ётафтомац ули полатф. Тядде арьсекшневи обеспечендамс подключандамань техническяй возможностть региононь 1,5 тёжянь домовладенияти.

Последние новости

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила,...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа»...

В Мордовии развивается система патриотического воспитания

В рамках регионального проекта «Патриотическое воспитание граждан» национального проекта...

Бизнес-десант посетил Ромодановский и Лямбирский районы

Третий год в Мордовии в рамках национального проекта «Малое...

ПЕТРОФНЕНЬ СЕМЬЯСНА—ИНЬ ОЦЮСЬ АРГАСА

Атюрьевскяй райононь Арга велесь кирди Петрофнень вельде. Тячи тяса...

«Ялгаксшинь каштазсь» пуропнезень мокшетнень и эрзятнень

13 июльста Оренбургскяй областень Абдулино ошса ульсь «Масторава» ила, конань аноклазе и ётафтозе «Мокшэрзянь культурнай центрась». Праздниксь пуропнесь сядот мокша и эрзя, тяконь лувксса...

КАТК СЕМБЕ АРЬСЕФСЬ ЁТАФТОВИ ЭРЯФС!

Вов ни мзяроце кизось мельцек пара койс коре Поволжьянь ошнень эзга ётафневи «Волга—река мира. Диалог культур волжских народов» Международнай этнокультурнай экспедициясь-фестивальсь. Тядде сон пуропневсь...

Лидерствань национальнай школась пуропнезень од ломаттнень

Ётай недялять, 4-5 июльста, Саранскяйса ётафтовсь «Лидерствань национальнай школа» лем ала форум. Сонь аноклазе и ётафтозе «Российскяй Федерациянь финно-угорскяй нароттнень Ассоциациясна» общероссийскяй общественнай организациясь...