Республикань правительстваса

21 октябрьста Мордовиянь Правительствать Председателец Владимир Сидоров ётафтсь 2023 кизоня школатненди капитальнай ремонтонь тиемань программать эряфс ётафтоманц коряс совещания.
Лятфтасаськ, «Развитие образования» госпрограммать рамкаса «Модернизация школьных систем образования» программась ушедовсь тядде, минь республикасонк петьф 12 образовательнай организация.
Сай кизоня арьсекшневи петемс 19 школа.
Основной заявочнай кампаниять рамкаса капитальнайста петевихть вейхкса образовательнай организациятне. Тя 28№, 37№ и Никольскяй школатне Саранскяйса, Шейн-Майданскяй школась-интернатсь Атяшевскяй районца, Больше-Елховскяй и Александровскяй школатне Лямбирскяй районца, 7№ школась, Трускляйскяй и Тат-Пишленскяй школатне Рузаевскяй районца.
Владимир Сидоров макссь поручения муниципалитетонь оцюнятненди вишкоптемс эрявикс документациять анокламанкса и торкнень ётафтоманкса работать, штоба маластонь пингть кярьмодемс тевс.
Кой-кона школатнень петемасна ушедови сёксень каникулада меле ни.
Ремонтонь пингть ученикне улихть ётафтфт маластонь школатненди, сяс эряви лац-ряц арьсемс зиянонь аф нолдамать, тонафнемать ладяманц и школьникнень андомаснон колга, азозе Мордовиянь премьер-министрсь.