Ётафтовсь антинаркотическяй комиссиять заседанияц

31 мартста Республикань Кудса ётафтовсь региононь руководительть Артём Здуновонь председательстванц ала МР-нь антинаркотическяй комиссиять заседанияц. Комиссиянь члеттне ванозь и кемокстазь 2024 кизонь итокнень коряс Мордовия Республикаса наркоситуациять колга доклатть, кона аноклафоль социально-экономическяй мониторингонь Научнай центрать мархта.
«Наркоситуациясь республикасонк мекольдень колма кизотнень ляткшни стабильнайкс,—мярьгсь Артём Здунов.—Но наркотикнень нолямасна, сембода пяк од ломаттнень ёткса, стаки ляткшни тячиень прябалакс. Сявомок мяльс, што республикась ащи транспортонь важнай узелкс (машина кинь и автомобильнай), тя кизефкссь улеза кеме контроль ала».
Мордовия Республикань «Научный центр социально-экономического мониторинга» ГКУ-ть директороц Любовь Курышева тись 2024 кизоня республикаса наркоситуациять колга доклад. Наркоманиянь криминогенностть показателензон коряс колма кизоста Мордовиясь васенцеда сувась сянгяря зонав.
Социологическяй исследованиятнень результатсна няфнесазь, што республикаса наркоманиянь прябалась лувондови социально значимайкс, а аф критическяйкс. МР-нь Оцюнясь азозе, што од ломаттнень ёткса ётафнемат наркотикнень тевс нолямаснон коряс профилактическяй мерат.