2 июньцта Мордовияса ётафтовсь экономикать ширенц кирдеманц и кемошинц ванфтоманц коряс антикризиснай штабть заседанияц, коса ванондовсть республикаса уликс тефне. Азфоль, што Россиянь Правительствась сяда тов мольфти работа санкциятнень эзда экономикать араламанц коряс законодательнай базань тиеманкса. Региоттнень ширень кирдемасна и синь финансовай кемошиснон кемокстамасна—главнай направлениятнень эзда фкясь. Путф подпись РФ-нь Правительствать постановлениянц алу, кона максси возможность кирьфнемс пандоматнень бюджетнай кредиттнень коряс, конат сявфт дефицитть пяшкодеманкса.
Майста нолдаф тевс важнай продукциянь импортёрхнень специальнай льготнай кредитованиянь программасна. Тянкса федеральнай бюджетста нолдаф 37 миллиардта лама цалковай. Тяфтама ширень кирдемать сюнеда бизнести ули кода меки ладямс товаронь рамсемать, конат мзярс аф нолявихть Россиять территорияса, и сяда тов мольфтемс сембе пингонь работать.
Нинге 10 позициятнень коряс странань Правительствась сяда келептезе васенце очередень действиянь планть. Главнай цельсь—пяшкодемс экономикать ликвидностьса и лездомс инвестиционнай процесснень виияфтомаснонды.
Правительствать ширде касфтф вирень декларациятнень мольфтемань пингсна, конат максфт тяддень 1 майти молемс.
Заседаниять пингста ванонфтольхть Мордовияса федеральнай и региональнай ширень кирдемань мератнень эряфс ётафтомаснон коряс тефне.