3 апрельста сявомок российскяй пользовательхненди аш кода ётафнемс контакфтома пандомат Samsung Pay пандомань сервисса «Мир» картатнень вельде. Samsung Pay-ти синь аф сувафтовихть, а инголи ванфтф картатне урядавихть приложениять эзда.
Странаста пандомань содаф системать туманц лангс шарфтыхть башка мяль мошенникне.
Аферисттненди ули кода гайфтемс банконь сотрудникть лемста и мярьгомс, што тиеви блокировка ся средстватненди, конат ащихть Samsung Pay-ти сотф счёттнень эса. Мезьда меле азыхть мяль максомс «лезкс»—анасазь пандомань аккаунттнень и банковскяй картатнень даннайснон.
Мошенникненди ули кода васькафтомс ломаттнень и вов кода. Кучсемс рассылка вельде объявленият, конатнень эса корхтамась мольфтеви Samsung Pay-ти картатнень салавань или аф официальнай способть вельде сувафтомаснон колга. Тяфта синь получасазь картать даннаензон и сувавихть банкть клиентонц личнай кабинетозонза.
Сембе ня схематне тевс нолявсть и 2022 кизоня мартста Apple Pay-ть блокировкадонза меле. Эста россияттненди гайфнесть мошенникне предложения мархта—счётса «средстватнень ванфтомаснон эзда» сявомок контактфтома пандома мархта банковскяй картатнень удалённайста оформляндамаснонды молемс. Корхнемста преступникне эвфнезь россияттнень ярмаконь юмафтомать мархта и вешсть эстокиге примамс решения, ашесть макссе пинге лац-ряц семботь шарьхкодемс.
«Стопмошенник13» телеграм-каналсь пачфни и сянь колга, кода араламс пря тянь эзда.
.Аф эряви примсемс аф содаф кинь эзда гайфнематнень и морафнемс сообщениятнень.
.Пара ули аф кулхцонкшнемс аф содафнень. Путомс трубкать, а меле эстейть гайфтемс банку, кочкамок номерть «кядьса», а аф получаф гайфтемать вельде (рузкс мярьгомс, аф тиемс обратнай звонок).
.Аф содафненди аф азондомат личнай даннайхне, сообщениятнень вельде аф кучсемат документтнень или пандомань картатнень сканцнон или фотоснон, аф кадондомат эсь колгат сведеният аф содаф ресурснень эса, аф пяшкотькшнема аф содаф кодама анкетат.
.Проверсемат транзакциятне и ванома финансовай операциятнень, банкнень куляснон, пандомань лия систематненди ётамста безопасностть обеспечендаманц инкса банкнень и операциятнень рекомендацияснон мельге.
Тяда башка, тевс ноляма антивируснай программнай обеспечениять смартфоттненди, аф эряви сявондемс программат аф официальнай маркетплейснень эзда и аф шарфнема мяль ломаттнень лангс, конат ёрайхть максомс услугат Samsung Pay системаса «Мир» картать активациянц коряс.