Архивы В Госсобрании РМ - Мокшень Правда

Россиянь Президентсь казезе Владимир Чибиркинонь

Мокшень Правда — Thu, 16 May 2024 11:10:53 +0000

Россиянь Президентсь Владимир Путин путозе кяденц МР-нь Государственнай Собраниять Председателенц Владимир Чибиркинонь законотворческяй активнай деятельностенкса и лама киза седикс-ваймокс покодеманкса Ялгаксшинь орденца каземанц колга Указть алу.
1999 кизоста сявомок Владимир Чибиркин Госсобраниянь депутат. 2003-2011 кизотнень оцюняль Экономическяй политикать, предпринимательствать и собственностть коряс комитетти. 2011 кизонь декабрьста кочкаф Мордовиянь Госсобраниянь Председателькс. Сувси РФ-нь Федеральнай Собраниять видеса законодательхнень Советснон образованиять и наукать коряс Комиссиянц составс, РФ-нь ПФО-нь субъекттнень государственнай властень законодательнай оргаттнень Ассоциациясост региональнай парламентонь представитель. Владимир Чибиркинонь предложениянзон ширеснон аф весть кирнезь работас коре ялганза и синь сявондевсть мяльс федеральнай законодательствати полафткснень сувафтомстост.
Государственнай казнеть получаманц мархта Владимир Чибиркинонь поздравляндазе РФ-нь Федеральнай Собраниянь Федерациянь Советть Председателец Валентина Матвиенко.
«Тя профессионализмацень, компетентностцень, Мордовия Республикать панчфокс панжеманц, сонь социально-экономическяйста касоманкса-виияманкса путф задачатнень лац-ряц и эсь пингстонза решандамаснон мархта сотф маштомошицень сери вастса няемац»,—корхтави телеграммаса.

Сообщение Россиянь Президентсь казезе Владимир Чибиркинонь появились сначала на Мокшень Правда.

Владимир ЧИБИРКИН: «Теенть эряви улемс афкуксонь патриотокс!»

Мокшень Правда — Wed, 08 May 2024 10:13:50 +0000

2 майста Мордовиянь Государственнай Собранияса ётафтовсь торжественнай мероприятия, конань пингста республикань законодательнай органть председателец Владимир Чибиркин максозень Российскяй Федерациянь гражданинонь паспорттнень Саранск ошень школаса тонафнихненди, конатненди топодсь 14 киза.

—Тячиень шись тинь эряфсонт—историческяй факт! Тячи теенть максови стама документ, кона кармай мархтонт эряфоньберьф. Паспортсь—аф аньцек удостоверения, но и Российскяй Федерациянь гражданинонь васенце и инь эрявикс документ,—пшкядсь од ломаттненди Владимир Васильевич.
Российскяй Федерациянь Конституциять вешфксонзон коряс, тейнек сембонди эряви улемс эсь странань патриотокс. И тя лац няеви специальнай военнай операциянь воиттнень ширде. Теенть, кие тячи тись аськолкс оцю эряфти, фалу эряви мяляфтомс тянь и улемс Россиянь афкуксонь патриотокс.
Сяльде Мордовиянь Государственнай Собраниять Председателец Владимир Чибиркин максозень Саранск ошень школаса тонафнихненди Российскяй Федерациянь гражданинонь паспорттнень.

Владимир Нестеров.

Сообщение Владимир ЧИБИРКИН: «Теенть эряви улемс афкуксонь патриотокс!» появились сначала на Мокшень Правда.

Тядянь капиталть—ремонтонь тиеманди

Мокшень Правда — Thu, 25 Apr 2024 08:02:08 +0000

25 апрельста Саранскяйса, Республикань Кудса, ётафтовсь Мордовия Республикань сисемце созывонь Государственнай Собраниять колмогемонь ветиеце сессияц. Вятезе сонь Госсобраниять Председателец Владимир Чибиркин. Сессиять работаса примась участия МР-нь Оцюнясь Артём Здунов. Шинь повесткати сувафтфоль 13 кизефкс.
Госсобраниянь депутаттне пшкядсть РФ-нь Правительствать Председателенцты Михаил Мишустинонди миграционнай законодательствать цебярьгофтоманц колга кизефкс мархта. Парламентарийхне сембе ширде арьсезь омба масторонь граждаттнень рузонь кяльть коряс содамошиснонды оценкань максомати общественнай организациянь представительхнень водендамань механизмать и документть эса азозь эсь предложенияснон.
«Тя пяк важнай тема, вдь российскяй обществати суваманкса омба масторонь граждаттнень улеза рузонь кяльти, странаньконь историянцты, закононзонды и эряфонцты кельгомасна»,—китькстазе Владимир Чибиркин.
Корхтафоль организациятнень имуществаснон лангс налогть колга законть проектонц квалма. Мяль шарфтфоль деловой и торговай центратнень, а стане жа тёжянь квадратнай метрада оцю площадень аф эрямань помещениятнень лангс, коса ащихть кафет, ресторатт, мазышинь салотт, офист и лавкат.
Шинь повесткати сувафтф кизефкснень ламошкасна сотфоль социальнай ширеть мархта. Ётксост—республикасонк эряй няемас коре инвалиттнень ширеснон кирдемац. Депутатскяй инициативать мяльс сявозь, конань колга азондсь МР-нь Госсобраниять Председателенц заместителец Наталья Долматова, гражданонь тя категорияти арьсеф 15 тёжянь цалковаень лувксса эрь кизонь пандома, кона пяшкодьсыне пинеть-вятнить ветеринарнай обслуживандаманкса карьхцнень.
Парламентарийхнень решенияснон мархта лама идень семьятненди максф права нолямс тядянь капиталонь средстватнень квартирати или кудти, кона ащи синь собственностьсост, ремонтонь тиеманди. Тяда башка, ня средстватнень нльне ули кода нолдамс оцю семьяста шабатненди, конат якайхть музыкальнай школав, музыкальнай инструментонь рамаманди.
Сессияса ётай кизоня тиф работаснон колга отчёт мархта выступандасть МР-нь Счётнай палатать руководителец Николай Ларьков и Мордовия Республикаса шабать праванзон коряс Уполномоченнайсь Наталья Юткина.
Меколи Владимир Чибиркин поздравляндазень депутаттнень малаткшни Российскяй парламентаризмань шить мархта.

Сообщение Тядянь капиталть—ремонтонь тиеманди появились сначала на Мокшень Правда.

Владимир Чибиркинонь Краснослободскяй и Ельниковскяй райоттнень эса улеманц колга

Мокшень Правда — Thu, 18 Apr 2024 11:22:40 +0000

12 апрельста Мордовиянь Госсобраниять Председателец Владимир Чибиркин ульсь Краснослободскяй районца, коса содафтсь «Безопасные качественные дороги» нацпроектть эряфс ётафтоманц мархта. Строямань объекттнень эзда фкясь—Од Карьга велети вяти кись (6,5 вайгяльбеда лама). Тяса арьсеф кить келептемац и водоотводонь тиемась.
Райононь оцюнять Алексей Буйновонь мархта Владимир Чибиркин ванозь, кода мольфтевихть работатне. Синь ушетфт пингта инголе и арьсекшневи шумордамс тонафнемань од кизоти, мезсь касфтсы тя велень школав пачфнемаса ученикнень безопасностьснон.
«Кись важнай, тяконь лувксса велеть социально-экономическяй виияманц мяльс сявозь. Од Карьгаса работай велень хозяйствань предприятия, кона эряма вастонь строямать вельде салсесыне од специалисттнень мяльснон. Теенза оцюнякс местнай советонь депутатсь Дмитрий Харитонов. Работатне улест оцю качествань»,—мярьгсь МР-нь Госсобраниять Председателец.
Тяка жа шиня Владимир Чибиркин ульсь Краснослободскяй райононь «Золотой колос» шумбрашинь кемокстамань лагерьса. Уликс корпусненди тяниень пингть строявихть кафта корпуст 49 вастонди эрсь.
Подряднай организациять руководителец Николай Шепелев азозе, што конструкциятнень строямасна мольфтеви графикс коре. Объектть максомань пингоц—май ковсь.
Райононь оцюнять Алексей Буйновонь и образованиянь районнай управлениянь начальникть Юлия Нотинать мархта Владимир Чибиркин корхтафтозь лагерть анокшинц коряс кизефкснень. Теенза ули кода примамс 200-ти молемс идь сменати.
«Проектсь ётафтови эряфс «Десятилетие детства» президентскяй программать мяльс сявозь. Мордовиянь Оцюнясь Артём Здунов башка мяль шарфни тя кизефксть лангс. Меля курокстонь строяви корпуст строяфтольхть Рузаевскяй районца. Сяс специалисттнень, конат тяни покодихть «Золотой колосса», ули эрявикс опытсна. Минь задачаньке—тиемс иттнень ваймосемаснон цебярькс»,—азозе Владимир Чибиркин.
Шить омбоце пялестонза МР-нь Госсобраниять Председателец ульсь Ельниковскяй районца. Райононь оцюнять Юрий Бекешевонь мархта ванозь Краснослободскяй центральнай районнай больницять поликлиниканц, коса здравоохранениянь первичнай звенать одкстоптомань программанц коряс мольфтеви капитальнай ремонт. Тя кармай од здания. Таштть калафнемдонза меле лядсть аньцек стенат. Тяниень пингть петеви вельхкссь, сяльде тиевихть коммуникациятне, потма ширдень отделкась и территориять благоустройствац.
«Поликлиникать петемац—Ельниковскяй райононь эряйхнень наказсна. Хуш проектсь арьсеф кафта кизонди, синь анокт тиемс ремонтть пингта инголе. Тиема сембось, мезсь эряви качественнай и доступнай медицинскяй лезксонь максоманкса»,—мярьгсь МР-нь Госсобраниять Председателец.

Сообщение Владимир Чибиркинонь Краснослободскяй и Ельниковскяй райоттнень эса улеманц колга появились сначала на Мокшень Правда.

Госсобраниянь депутаттненди сведениянди

Мокшень Правда — Thu, 28 Mar 2024 08:40:05 +0000

Мордовия Республикань сисемце созывонь Государственнай Собраниять колмогемонь нилеце сессияц ётафтови 2024 кизонь 2 апрельста 16 частста Республикань Кудть конференц-залсонза тяфтама адресс коре: Саранск ошсь, Советскяй ульцясь, 35№ кудсь. Депутаттнень регистрациясна ушеды 15.00 частста сявомок.

Сообщение Госсобраниянь депутаттненди сведениянди появились сначала на Мокшень Правда.

Кой-кона закоттненди сувафтовихть полафткст

Мокшень Правда — Thu, 07 Mar 2024 09:36:43 +0000

5 мартста Саранскяйса, Республикань Кудса, ётафтовсь Мордовия Республикань сисемце созывонь Государственнай Собраниять колмогемонь колмувоце сессияц.

Работасонза примась участия республикань Оцюнясь Артём Здунов. Вятезе сессиять МР-нь Государственнай Собраниять Председателец Владимир Чибиркин. Шинь повесткать кемокстамдонза меле депутаттне кярьмодсть работати.

Васенце кизефкссь лемтьфоль «Мордовия Республикань государственнай казнетнень колга» Мордовия Республикань Законть 12 статьязонза полафткснень сувафтомаснон квалма» Мордовия Республикань законть проектонцты. Тя кизефксть сессияти лихтезе Мордовия Республикань Оцюнясь.

Кирдемок тянь мяльса, республикаса тяни ули почётнай од лем—«Мордовия Республикань пожарнай охранань Заслуженнай работник». Сон кармай макссевома населениять и территориять пожарнай безопасностьса обеспечендамаса личнай сатфксонкса, пожархнень матомаснон и синь последствияснон машфтомаснон организациянкса и тя тефнень эса участиянь примаманкса.

Мордовия Республикань финансонь министрсь Сергей Тюркин пачфтсь «2024 кизонди и 2025 и 2026 кизотнень плановай пингснонды Мордовия Республикань республиканскяй бюджетть колга» Мордовия Республикань Законти полафтксонь сувафтомать квалма» Мордовия Республикань законть проектонц колга.

Дохоттнень объёмсна ули 59,6 миллиард цалковай. Карьхцне касыхть 1,8 миллиард цалковайда и улихть 61,7 миллиард цалковай.

Средстватне карьхцявихть китнень петемаснонды, граждаттнень льготнай категорияснон лекарстваса и медицинскяй изделияса обеспечендамаснонды, местнай бюджеттнень ширеснон кирдемаснонды и стак тов.

Сессияса корхтафоль и специальнай военнай операциянь ветераттненди модань участкатнень максомаснон мархта сотф порядкать колга.

Ванфтольхть и лия кизефкст.

Татьяна Альшина.

Сообщение Кой-кона закоттненди сувафтовихть полафткст появились сначала на Мокшень Правда.

ОД ЛОМАНЕНЬ ПАЛАТАТЬ ЗАСЕДАНИЯСТА

Мокшень Правда — Thu, 29 Feb 2024 08:42:25 +0000

Мордовиянь Госсобранияса ётафтовсь общественнай од ломанень палатать заседанияц. Сонь работасонза примась участия Государственнай Собраниять Председателец Владимир Чибиркин. Сон азозе, што Од ломанень парламентть членонза лац няфнесазь пряснон республикаса, окружной и федеральнай уровеньца. Спикерсь лятфтазе, што 2023 кизоня синь законодательнай кафта инициативасна арасть Мордовиянь законкс. Подписандаф общественнай организациятнень мархта сотрудничендамать колга несколька соглашения.

«Тядде кармайхть политическяй и культурнай важнай событият. Мартста ётафтовихть Россиянь Президентонь кочкаматне. Теенть эряви пачфтемс ялгантенди, ся ломаттненди, конатнень мархта кирттяда соткст, конашкава важна эрти эздонк примамс участия кочкаматнень эса»,—мярьгсь Владимир Чибиркин.
Од ломанень парламентть заседанияса сонь председателец Виктория Богдашкина азондсь Саратовса улемаснон колга, коса ванондовсь СВО-нь участникнень и синь семьяснон ширеснон кирдемань нормативно-правовой мератне. Мордовияста од законодательхнень инициативаснон ширец киртьфоль: 27 апрельста—Российскяй парламентаризмань шиня—ётафтови СВО-нь участникненди, конат ётайхть медицинскяй учреждениятнень эса пчксема и реабилитация, веронь максомань марстонь ши.
Заседаниять торжественнай пялькссонза Мордовиянь Госсобраниять Председателец Владимир Чибиркин макссь казнет Од ломанень парламентть председателенцты Виктория Богдашкинати и СВО-нь участникти Евгений Н.-нди. Боевой действиянь ветеранць азсь благодарностень валхт депутатскяй корпусти и од парламентарийхненди Родинань аралайхнень ширеснон кирдеманкса, а стане жа од региоттненди лезксонь максомаса участиянь примаманкса.

Сообщение ОД ЛОМАНЕНЬ ПАЛАТАТЬ ЗАСЕДАНИЯСТА появились сначала на Мокшень Правда.

Од парламентарийхнень Ассоциацияснон заседанияста

Мокшень Правда — Thu, 15 Feb 2024 08:08:20 +0000

Мордовиянь Госсобраниять видеса Од ломанень Общественнай палатать Председателец Виктория Богдашкина тись выступления ПФО-нь од ломанень парламенттнень Ассоциацияснон заседаниясонза СВО-нь участникнень и синь семьянь членцнон ширеснон кирдемань мератне нормативно-правовой обеспечендамаснон мархта сотф кизефксть коряс. Пачфтьф Мордовиять и округонь лия ся региоттнень опытснон колга, коса ётафневи эряфс мератнень комплекссна, тяконь лувксса транспортнай налогть аф пандомац, модань участкатнень собственностьс питнефтома максомасна, а стане жа СВО-нь участникнень идьснонды питнефтома пси ярхцамбяльть и ваймамань льготнай путёвкатнень максомасна, военнослужащайхнень семьянь членцнонды работань вешемста лезксонь максомась. Макссеви психологическяй и юридическяй лезкс.

Работаса активнай участия примайхть од парламентарийхне. Тяфта, Мордовияса Од ломанень Общественнай палатань члеттне примайхть участия ярмаконь, гуманитарнай лезксонь кочкамаса и сонь боевой зонав пачфтемаса. Лезнихть маскировочнай сетень кодамаса, окопонь штатолонь, коське шонгарямонь и борщень анокламаса. Примсихть участия благотворительнай и донорскяй акциятнень эса.
Виктория Богдашкина азсь мяль работас коре ялганзонды—ПФО-нь региоттнень эзда од парламентарийхненди ётафтомс СВО-нь участникненди донорскяй веронь максомань единай ши—27 апрельста Российскяй парламентаризмань шиня, а стане жа пшкядемс ПФО-нь законодательхнень Ассоциациязост СВО-нь участникнень и синь идьснонды экономикань ся отраслятнень коряс, конатнень эса аф сатнихть кадратне, тонафнеманди квотать 20 процентти молемс касфтоманц мархта кизефксть коряс.
Инициативатнень ширеснон кирдезь Ассоциациять заседаниянц участниконза. Итогонзон коряс максовихть рекомендацият сяда товолдонь работанди.

Сообщение Од парламентарийхнень Ассоциацияснон заседанияста появились сначала на Мокшень Правда.

Ванондовсть эрявикс кизефкст

Мокшень Правда — Thu, 08 Feb 2024 12:18:25 +0000

2 февральста ётафтовсь Мордовия Республикань сисемце созывонь Государственнай Собраниять 32-це сессияц, конань вятезе республикань Государственнай Собраниять Председателец Владимир Чибиркин. Сессияса примасть участия Мордовиянь Оцюнясь Артём Здунов, региональнай Правительствань члеттне, властень исполнительнай оргаттнень и местнай самоуправлениянь оргаттнень руководительсна.
Сессиять панжемста Владимир Чибиркин азозень ся задачатнень, конатнень тядде пяшкодемасост примама участия депутаттненди. Ётксост—специальнай военнай операциянь участникнень и синь семьянь членцнон ширеснон кирдемасна, Россиянь Президентть кочкаманзонды анокламаса местнай самоуправлениянь оргаттненди лезксонь максомась, Семьянь кизонь пуромкснень эса участиянь примамась и стак тов.
Сессияса депутаттне ванцть 17 кизефкс. Тяфта, почтовай связень организациятнень дополнительнайста ширеснон кирдеманкса сувафтовихть полафткст «О налоге на имущество организаций» Мордовия Республикань Законть 3 статьязонза.
Примафт Мордовия Республикать и Пензенскяй областть ёткса границать пяльксонц ладямаснон коряс договорхнень кемокстамаснон колга закоттне.
Сувафтовихть полафткст «О мерах социальной поддержки отдельных категорий населения, проживающего в Республике Мордовия» Мордовия Республикань Законти.
«Об Избирательной комиссии Республики Мордовия» законть кой-кона норманза тиевихть соответствияс «Об основных гарантиях избирательных прав и права на участие в референдуме граждан Российской Федерации» Федеральнай законть мархта.
Кемокстафт мировой судьят: Андрей Машков—Атюрьевскяй райононь судебнай участкань мировой судьякс, Ольга Терентьева—Чамзинскяй райононь 1№ судебнай участкань мировой судьякс.
Согласовандаф Алексей Ежовонь кандидатурац Мордовиянь Правительствать Председателенц Заместителенц вастонцты путоманц инкса. Инголи сон тиендезень вице-премьерть тевонзон.
Депутаттне кулхцондозь Саранск ошень округонь оцюнять. Игорь Асабин пачфтсь сянь колга, кода решандакшневихть ловть эзда ульцятнень урядамаснон и общественнай транспортть работанц мархта сотф кизефксне.

Сообщение Ванондовсть эрявикс кизефкст появились сначала на Мокшень Правда.

Школа молодого политика-2023 завершила работу

Мокшень Правда — Wed, 27 Dec 2023 08:14:50 +0000

В Госсобрании Мордовии подвели итоги регионального образовательного проекта «Школа молодого политика». Его участники имели возможность получить не только теоретические знания, но и практические навыки в ведении общественно-политической деятельности. Проект организован Госсобранием Мордовии, Молодежным парламентом, региональными отделениями партии «Единая Россия» и «Молодой Гвардии Единой России».

С успешным окончанием сезона выпускников Школы поздравил Председатель Госсобрания Мордовии Владимир Чибиркин: «Мы постарались сделать учебную программу интересной и полезной, согласно вашим запросам. Занятия проведены по направлениям «Политика», «Медиа», «Добровольчество», «Социальное проектирование». Спикерами в них выступили известные государственные и общественные деятели, в том числе депутаты Госдумы и Госсобрания», – отметил Владимир Чибиркин.

Руководитель регионального штаба Молодой Гвардии Единой России, член Молодежного парламента при Госсобрании Мордовии Данил Ульянов рассказал, что в течение двух месяцев проходили лекции, мастер-классы, деловые игры, встречи с экспертами в области политологии, ораторского искусства, законодательной и правотворческой деятельности, продвижении личного бренда. Акцент был сделан на формировании законодательных инициатив. Молодые политики презентовали авторские проекты законов и предлагали варианты правового решения общественно значимых вопросов. Также ребята посетили Региональную общественную приемную «Единой России» и ГТРК «Мордовия», участвовали в заседании Молодежного парламента и публичных слушаниях по законопроекту о республиканском бюджете.

15 самых активных участников Школы молодого политика отмечены сертификатами. Вручая их, Председатель Госсобрания призвал молодых людей продолжать искать и использовать возможности для личностного и профессионального роста. Он также сообщил приятную новость – для выпускников Школы Госсобрание Мордовии организует поездку в Москву на Международную выставку «Россия».

На завершающем мероприятии сезона будущие молодые политики поделились впечатлениями от участия в проекте, отметили, что приобретенные навыки будут полезны в повседневной жизни и в процессе учебы – работы.

Сообщение Школа молодого политика-2023 завершила работу появились сначала на Мокшень Правда.