Мошенникне стаки васькафнесазь ломаттнень

«Стопмошенник13» телеграм-каналса пачфневи, што Россиянь УМВД-ть Саранск ошень округть эзга 4№ полициянь отделу пшкядсь Лямбирскяй райононь 23 кизоса эряйсь, кона пачфтсь 100 тёжянь цалковаенц саламанц колга.
Валонзон коряс, сон макссь газовай плитать мишендеманц коряс питнефтома объявления.
Тяда меле мархтонза ладясь соткст аф содаф ава, конань мялецоль рамамс сонь, и эняльдсь азомс банковскяй картать номеронц, а меле смс-са саф коттнень.
Пингонь ётазь авась пачфтезе плитать азораванцты, што мекольцеть счётстонза эльбядязь валхтфоль 100 тёжянь цалковай, конатнень сон тяникиге мрдафтсыне пяльксонь пялькс. Стирсь сувась мобильнай банкть приложениязонза и няезе, што кредитнай картасонза аш ярмакт.
Тяда меле стирти сась сонь счётозонза несколька суммань поступамать колга уведомления—бта рамайть эзда, конатнень сон эняльдсь мрдафтомс меки, штоба эстокиге ётафтомс ярмакнень фкя пандомаса.
Аф содафть эняльдеманц коряс стирсь ётафтозень ярмакнень, мезьда меле «рамайсь» юмась.
Тага сувамок мобильнай банкть приложенияс, стирсь няезе, што мошенникне ётафтозь сонь кредитнай картастонза ярмакнень дебетовайти, конань эзда сон тись ни перевотт.
Тяниень пингть саламать коряс ётафтови проверка.
Мордовия Республикать эзга МВД-сь лятфни аф пелькс интернет-мишендемать правиланзон колга:
.мзярдовок тясть пачфне аф содафненди банковскяй картатнень даннайснон и тяда ётафне инголенди пандома объявлениять коряс товархнень рамамста;
.тяда ётне ссылкатнень коряс, конатнень кучсесазь лия пользовательхне.
.оформляндада пачфтома (доставка) аньцек официальнай сайтса (платформаса или приложенияса).