Мокшень писательсь Тимофей Андреевич Кирдяшкин сась мокшэрзянь литературав 1950 кизотнень. Лувити сон содаф кода «Кели Мокша» романть автороц. Аф ваномок сянь лангс, што писательсь нолдась аньцек фкя произведения, сон арась содавиксокс, сяс мес няфтезе мокшэрзянь народть эряфонц.
Тимофей Андреевич Кирдяшкин шачсь 1888 кизонь 21 февральста Ковылкинскяй райононь Сире Маманя велеса ашу семьяса. Сон ётазе Васенце мировой войнать. Октябрьскяй социалисти-
ческяй революцияда меле кочкафоль Краснослободскяй уездонь Сире Озязь велень исполкомонь
председателькс. Гражданскяй войнань кизотнень Тимофей Кирдяшкин тюрсь Юденичень и белопо-
лякнень каршес Западнай фронтса, а войнать аделамдонза меле покодсь велень хозяйстваса.
«Кели Мокша» романть юрс сявфт ся пингонь эряфонь тефне, конатнень эса примась участия сонць ав-
торсь, и ся ломаттне, конатнень мархта эрясь и васьфнесь. Романть сёрмадоманцты лама макссь Тимо-
фей Кирдяшкинонь эсь эряфоц, Сире Маманяста и Мокша ляйть маласа ащи велеряйхнень эряфснон лац содамасна.
Тимофей Андреевич «Кели Мокша» романть сёрмадомонза ушедсь Великай Отечественнай войнань ва-
сенце кизотнень и аньцек 1952 кизоня писательсь кандозе сонь «Сяськома» журналу, коса и печатлаф-
тольхть эздонза пакшт. 1953 кизоня романць нолдафоль башка книгас, 1955 кизоня лиссь рузонь кяль-
са.
Писательсь сёрматкшнесь азкстка. Инь удалафсь эздост—«Тядя» азкссь (1963 кизось). Кулось
Тимофей Андреевич Кирдяшкин 1972 кизонь 17 январьста.
Газетаньконь тячиень номерсонза макстама «Кели Мокша» романцта пакш.